Janubiy Koreya KXDRni oziq-ovqat evaziga Rossiyaga snaryadlar etkazib berishda aybladi
Reuters:
Janubiy Koreya mudofaa vaziri Shin Von-Sik Pxenʻyanni oziq-ovqat evaziga Rossiya uchun snaryadlar ishlab chiqarayotganlikda aybladi. Avgust oyidan beri Pxenʻyan Rossiyaga 3 milliondan ortiq artilleriya snaryadlarini sigʻdira oladigan 6700 ga yaqin konteyner joʻnatdi, dedi janubiy koreyalik vazir.
Janubiy
Koreya mudofaa vaziri Shin Von-Sik Shimoliy Koreyaning oʻq-dori zavodlari Rossiya
uchun qurol-yarogʻ va oʻq-dorilar ishlab chiqarish bilan toʻliq quvvatda ishlayotganini
maʻʻlum qildi.
Uning fikricha,
Shimoliy Koreya Rossiyaga oziq-ovqat va asosiy ehtiyojlar evaziga qurol va harbiy
texnika, jumladan, millionlab artilleriya snaryadlarini etkazib bermoqda.
Avgust
oyidan beri Pxenʻyan Rossiyaga 3 milliondan ortiq artilleriya snaryadlarini sigʻdira
oladigan 6700 ga yaqin konteyner joʻnatdi, dedi mudofaa vaziri.
“Shimoliy
Koreyaning qolgan qurol zavodlari xomashyo va elektr quvvati taqchilligi tufayli 30
foiz quvvatda ishlayotgan boʻlsa-da, Rossiya uchun qurol va artilleriya snaryadlarini
ishlab chiqaruvchi zavodlar toʻliq quvvat bilan ishlamoqda”, - dedi Shin
jurnalistlarga.
Uning
qoʻshimcha qilishicha, Rossiyadan Pxenʻyanga joʻnatilgan konteynerlar soni qarama-qarshi
yoʻnalishda – Shimoliy Koreyadan Rossiyaga joʻnatilgandan taxminan uchdan bir baravar
koʻp.
"Koʻrinishidan,
etkazib berishning eng katta ulushi oziq-ovqat boʻlib, Shimoliy Koreyada narxlarni
barqarorlashtirishga yordam beradi", - dedi Shin Von-Sik.
Eslatib
oʻtamiz, Moskva va Pxenʻyan AQSh va ittifoqchilarining qurol-yarogʻ bitimlari boʻyicha
ayblovlarini bir necha bor rad etgan.
.png)
Mavzuga aloqador
-
Shimoliy Koreya etakchisi Kim Chen In armiya, oʻq-dori va yadro qurollari sanoatiga AQSh harakatlariga qarshi urushga tayyorgarlikni tezlashtirishni buyurdi.
-
Shimoliy Koreya Oliy xalq assambleyasi bir ovozdan Janubiy Koreya bilan barcha iqtisodiy hamkorlik bitimlari bekor qilinishini maʻʻqulladi.
