Shimoliy Koreya Janubiy Koreya bilan barcha iqtisodiy hamkorlik bitimlarini bekor qildi
Shimoliy Koreya Oliy xalq assambleyasi bir ovozdan Janubiy Koreya bilan barcha iqtisodiy hamkorlik bitimlari bekor qilinishini maʻʻqulladi.
Shimoliy Koreya Oliy xalq assambleyasi Janubiy Koreya bilan
imzolangan iqtisodiy hamkorlikni rivojlantirish boʻyicha barcha kelishuvlarni bekor
qilishga ovoz berdi, deb xabar beradi KXDR Markaziy telegraf agentligi payshanba kuni.
“Plenumda Oliy
xalq kengashi Prezidiumining “Shimoliy va Janubiy Koreya oʻrtasida iqtisodiy
hamkorlik toʻgʻrisida”gi, «Kimgangsan»
maxsus xalqaro turizm zonasi toʻgʻrisida”gi KXRD qonunlarini hamda
ularni ijro etish qoidalari, Koreyalararo iqtisodiy hamkorlik toʻgʻrisidagi
bitimlarni bekor qilish toʻgʻridagi farmoni bir ovozdan qabul qilindi”, ‑ deyiladi
xabarda.
Sharqiy chegaradan shimolda joylashgan Kimgangsan togʻlarida Koreya Respublikasi
va KXDR qoʻshma turizm loyihasi 2000 yillar boshida ikki davlat oʻzaro hamkorlik
qilgan paytda boshlangan iqtisodiy hamkorlik timsoliga aylangan, 2 millionga yaqin janubiy koreyalik
tashrif buyuruvchilarni jalb qilgandi.
2008 yilda janubiy koreyalik sayyohning oʻlimiga sabab boʻlgan
voqeadan soʻng Seul hamkorlikni nomaʻʻlum muddatga toʻxtatishga qaror qildi. 2018
yil sentyabrida ikki Koreya prezidenti va etakchilari Pxenʻyandagi sammitda Kimgangsan togʻlarida loyihani qayta
tiklashga kelishib olishgan, biroq bu kelishuvlarni amalga oshirish boʻyicha boshqa
choralar koʻrilmagandi.
.png)
Mavzuga aloqador
-
Shimoliy Koreya etakchisi Kim Chen In armiya, oʻq-dori va yadro qurollari sanoatiga AQSh harakatlariga qarshi urushga tayyorgarlikni tezlashtirishni buyurdi.
-
Shimoliy Koreya Pangyongdo va Eonpyongdo orollari hududiga qarata artilleriya zarbasi berdi. Snaryadlar Janubiy Koreya hududigacha etib kelmagan.
