Isroilning koʻzi Misrda

Hurmatli Ilyos

Isroil meros ishlari vaziri Amikay Eliyaxu ijtimoiy tarmoqlarda jamoatchilikni Gʻazo sektori, Gʻarbiy Sohil va Sinay yarim orolini oʻz ichiga olgan Isroil xaritasi tushirilgan futbolkalarni sotib olishga chaqirdi. Eliyaxu oʻta oʻngchi siyosatchi – milliy xavfsizlik vaziri Itamar Ben-Gvir etakchilik qiladigan «Otsma Yexudit» partiyasi aʻʻzosi hisoblanadi. Xarita esa Isroil Misrning Sinay yarim oroliga ham koʻz tikkanidan darak beradi.  

Radikal qarashlari bilan tanilgan Isroil meros ishlari vaziri Amikay Eliyaxu X ijtimoiy tarmogʻidagi sahifasiga Sinay yarim orolini qayta bosib olishga chaqiruvchi fikrlarini qaytadan joylashtirdi, deya xabar qildi TRT.

Tvitda jamoatchilik Gʻazo sektori, Gʻarbiy Sohil va Sinay yarimorolini oʻz ichiga olgan Isroil xaritasi tushirilgan futbolkalarni sotib olishga chaqirilgan. Xarita ichida esa "Hozir ishgʻol qilish" shiori oʻrin olgan.

Eliyaxu – Isroilning oʻta oʻngchi «Otsma Yexudit» partiyasi aʻʻzosi boʻlib, ushbu partiyaga boshqa oʻng qanot siyosatchi – mamlakat milliy xavfsizlik vaziri Itamar Ben-Gvir etakchilik qiladi.

2023 yilda Eliyaxu Gʻazo sektorida yadro qurolidan foydalanish taklifi bilan xalqaro eʻʻtiborni oʻziga tortgan edi.

2024 yilda esa Ramazon oyi oldidan musulmonlarning muqaddas oyini “bekor qilish”ga chaqirdi. Vazirning oʻzi Gʻarbiy Sohildagi Rimonim nomli noqonuniy aholi punktida istiqomat qiladi.

Shuni ham eslatib oʻtish joizki, Isroil 1967 yilgi Yaqin Sharq urushi natijasida Sinay yarim orolini bosib olgan, biroq bu hudud 1979 yilgi Kemp Devid kelishuviga binoan 1982 yilda Misrga qaytarilgan.

Mavzuga aloqador

Eng ko‘p o‘qilgan

Tavsiya qilingan

Reklama