Isroil Livanda ikki kunda 50 bolaning umriga zomin boʻldi

Livan hukumati Isroil havo hujumlarida dushanba kunidan beri mamlakat boʻylab kamida 569 kishi, jumladan 50 bola va 94 ayol halok boʻlgani, 1800 dan ortiq kishi jarohatlanganini maʻʻlum qildi. Isroil harbiy samolyotlari, shuningdek, Suriyaning Tartus shahriga ham zarbalar berdi. Suriya havo hujumidan mudofaa kuchlari ushbu hujumlarni qaytardi.

Livan hukumatining maʻʻlum qilishicha, Isroil havo hujumlarida dushanba kunidan beri mamlakat boʻylab kamida 569 kishi, jumladan 50 bola va 94 ayol halok boʻlgan, 1800 dan ortiq kishi jarohatlangan.

Isroil rasmiylari Eron tomonidan qoʻllab-quvvatlanayotgan va Isroil shimolini doimiy ravishda oʻqqa tutayotgan Livandagi «Hizbulloh» guruhining infratuzilmasi va jangarilarini nishonga olayotganini aytmoqda.

Isroil Mudofaa kuchlari (TsAXAL) matbuot kotibi Daniel Hagarining aytishicha, Isroil havo kuchlari seshanba kuni Bayrutga nishonga oid zarba berdi, natijada nafaqat Hizbulloh raketa kuchlari qoʻmondoni Ibrohim Qubaysi, balki kamida yana ikki qoʻmondon ham halok boʻldi. Hagarining qoʻshimcha qilishicha, Kubaisi soʻnggi kunlarda Isroilga qilingan hujumlar, jumladan seshanba kuni 300 ta raketa otilgani uchun javobgardir.

Oʻz navbatida, «Hizbulloh» Hayfa yaqinidagi Isroil harbiy-dengiz kuchlari maxsus kuchlari qarorgohi, Isroilning Atlit harbiy-dengiz bazasiga uchuvchisiz havo hujumi uyushtirganini eʻʻlon qildi, deb xabar bermoqda «Al-Jazira» telekanali.

Seshanba kuni ertalab Hizbulloh Isroilga oʻnlab raketalarni uchirdi. Ularning aksariyati urib tushirilgan, biroq baʻʻzi binolar vayron boʻldi, deya maʻʻlum qildi TsAXAL.

Isroil harbiy samolyotlari, shuningdek, Suriyaning Tartus shahriga ham zarbalar berdi. Suriya havo hujumidan mudofaa kuchlari Tartus provintsiyasi osmonida havo hujumini qaytardi, deb xabar bermoqda Suriyaning «Al-Vatan» gazetasi.

“Tartusdagi havo hujumidan mudofaa ishlari natijasida kuchli portlashlar eshitildi, havo hujumidan mudofaa kuchlari hududdagi nishonlardan biriga Isroilning zarbalarini qaytardi”, deb yozadi gazeta.

Mavzuga aloqador

Eng ko‘p o‘qilgan

Tavsiya qilingan