Isroil askarlari Gʻazoga qaytishdan bosh tortmoqda

Yigirmaga yaqin Isroil askari Gʻazo sektoriga qaytishdan bosh tortdi. Ulardan oʻntasi rad javobini bersa, harbiy sudga tortilishi haqida ogohlantirilgan. Baʻʻzi askarlar 10 oylik janglardan soʻng Gʻazoga qaytib bora olmasligini, ammo boshqa masʻʻuliyatni oʻz zimmalariga olishga tayyor ekanliklarini bildirgan.

Yigirma nafar Isroil askari Gʻazo sektoriga qaytishdan bosh tortdi. Ulardan oʻn nafari rad javobini bersa, harbiy sudga tortilishi haqida ogohlantirildi, deb xabar berdi Isroilning KAN telekanali.

Baʻʻzi askarlar 10 oylik janglardan soʻng Gʻazoga qaytib bora olmasligini, ammo boshqa masʻʻuliyatni oʻz zimmalariga olishga tayyor ekanliklarini aytishgan. Xuddi shunday xabarlar boshqa batalʻonlardan ham kelyapti.

Baʻʻzi askarlarning oilalari oʻgʻillari urushda qatnashishga majbur boʻlganini yoki qamoqqa olinishi mumkinligini aytishgan.

Iyulʻ oyida Isroil mudofaa vaziri Yoav Gallant Gʻazo sektorida davom etayotgan urush fonida Isroil armiyasi zudlik bilan 10 ming qoʻshimcha askarga muhtojligini eʻʻlon qilgandi.

Bundan tashqari, Isroil armiyasida qoʻmondonlik shtabida inqiroz yuzaga keldi – kapitan va mayor unvoniga ega ofitserlar oʻz lavozimlarini tark etmoqda.

Mavzuga aloqador

Eng ko‘p o‘qilgan

Tavsiya qilingan