Ispaniyadagi suv toshqinlari 100 ga yaqin odamning hayotiga zomin boʻldi (foto)

Ispaniyada 1973 yildan beri halokatli tabiiy ofat sodir boʻldi – kuchli yogʻingarchiliklar sababli yuzaga kelgan suv toshqini oqibatida kamida 95 kishi halok boʻldi. Valensiya avtonom hamjamiyati eng koʻp jabr koʻrdi, u erda 92 kishi hayotdan koʻz yumdi. Hukumat qurbonlar soni ortishi mumkinligidan ogohlantirdi.

 

Ispaniyada kuchli yomgʻir sabab boʻlgan suv toshqini oqibatida kamida 95 kishi halok boʻldi. Bu mamlakatda 1973 yildan beri sodir boʻlgan eng dahshatli tabiiy ofatdir.

Valensiya avtonom hamjamiyati va uning shu nomdagi poytaxti eng koʻp jabr koʻrdi – soʻnggi maʻʻlumotlarga koʻra, u erda 92 kishi halok boʻldi.

Mamlakat rasmiylari uch kunlik motam eʻʻlon qildi, shuningdek, jabrlangan hududlar aholisiga barcha zarur yordamni koʻrsatishga vaʻʻda berdi.

Yomgʻirlar elektr taʻʻminotidagi uzilishlarga, yoʻllarning yopilishiga, muntazam va tezyurar poezdlarning harakatining toʻxtashiga olib keldi.

Ispaniya mudofaa vaziri Margarita Robles mamlakatdagi tabiiy ofatni misli koʻrilmagan deb atadi.

Rasmiylar qurbonlar soni ortishi mumkinligidan ogohlantirdi.

Qidiruv-qutqaruv operatsiyasida harbiylar va aviatsiya ishtirok etmoqda, halok boʻlganlarning jasadlari, jumladan, dronlar yordamida qidirilmoqda, harbiy psixologlar jabrlanganlar bilan ishlamoqda, deya xabar bermoqda Ispaniya matbuoti.

Evrokomissiya rahbari Ursula fon der Leenning aytishicha, EI Kopernik sunʻʻiy yoʻldosh tizimi yordamida ispan qutqaruvchilari ishini muvofiqlashtirishga yordam beradi. Boshqa Evropa davlatlari ham yordam taklif qildi.

Payshanba kuni Ispaniya bosh vaziri Pedro Sanches Valentsiyaga tashrif buyuradi va inqiroz markazi yigʻilishida ishtirok etadi, deb yozadi El Pais.

Chorshanba kuni mamlakat sharqida ob-havo yaxshilana boshladi, biroq meteorologlar yomgʻir shimoli-sharqdan Kataloniya tomon siljiyotgani haqida ogohlantirdi.

Mamlakatning boshqa ayrim hududlarida ham suv toshqini haqida ogohlantirishlar eʻʻlon qilingan.

Suv toshqiniga koʻp omillar yordam beradi, ammo iqlim oʻzgarishi tufayli isish ekstremal ob-havo ehtimolini oshiradi.