Iordaniyada AQSh bazasiga dron hujumi uyushtirildi: asosiy maʻʻlumotlar va bayonotlar
Iordaniyaning Suriya bilan chegarasida dron orqali amalga oshirilgan hujumda 3 nafar AQSh askari halok boʻldi va eng kamida 34 nafari jarohatlandi. Jo Bayden hujumda bevosita Eronni aybladi. Asosiy maʻʻlumotlar va bayonotlar.
Iordaniya shimoli-sharqida, Suriya chegarasi yaqinida joylashgan
AQSh kuchlariga uchuvchisiz uchish apparati (dron) hujumi oqibatida uch amerikalik harbiy halok boʻldi, kamida 34 nafari jarohatlandi. Asosiy
maʻʻlumotlar va bayonotlar.
AQSh prezidenti Jo Bayden:
"Biz buni Suriya va Iroqda faoliyat yuritayotgan Eron
tomonidan qoʻllab-quvvatlangan radikal jangarilar amalga oshirganini
bilamiz".
AQSh Markaziy
qoʻmondonligi:
“Iordaniyadagi
hujum qurbonlari soni 34 nafarga etdi va bu raqam oʻzgarishini kutmoqdamiz.
8
yarador askarni Iordaniyadan yuqori darajadagi tibbiy yordamga oʻtkazdik va ularning
ahvoli barqaror".
Sobiq prezident Donalʻd Tramp:
“Iordaniyadagi
kuchlarimizga qilingan hujum mamlakatimiz uchun dahshatli kun hamda Baydenning
zaifligi va taslim boʻlishining qoʻshimcha fojiali natijasidir”.
Respublikachilar
partiyasidan AQSh prezidentligiga nomzod Xeyli:
"Agar Bayden ularga qarshi kurashda ojiz boʻlmaganida, Erondagi
dushmanlarimiz kuchlarimizga hujum qilmagan boʻlardi. Biz bor kuchimiz bilan zarba berishimiz
kerak va bu keyingi urushning oldini olishning yagona yoʻli".
Reuters Iordaniyadagi yuqori martabali
xavfsizlik manbasiga asoslanib:
“Iordaniya
yaqinda Vashingtonni Iroq va Suriya bilan chegaralarida Eron tomonidan
qoʻllab-quvvatlanadigan jangarilarga qarshi mudofaa tizimini kuchaytirish zarurligi
haqida ogohlantirgan. Shuningdek, Amerikadan ilgʻor yordam va jihozlarni soʻragan”.
Eron axborot agentligi Eronning BMTdagi
vakiliga tayanib:
“Tehronning
mintaqadagi AQSh qoʻshinlariga qarshi hujumlarga aloqasi yoʻq”.
Bloomberg
AQSh
amerikalik harbiylar oʻlimidan soʻng Eron bilan toʻgʻridan‑toʻgʻri konfrontatsiyaga
kirishishi mumkin.
Eron TIV:
“Mintaqada
qarshilik koʻrsatuvchi guruhlar Erondan falastinliklarni qanday qoʻllab-quvvatlash,
oʻzini va xalqini har qanday tajovuzdan himoya qilish boʻyicha buyruq olayotgani yoʻq.
Biz sionistik rejimning Falastin xalqiga qarshi hujumlari tufayli
mintaqadagi mojarolar koʻlamini kengaytirish xavfi haqida bir necha bor
ogohlantirganmiz.
Eronga qarshi asossiz ayblovlarning
takrorlanishi Amerikani mintaqadagi yangi urushga tortishdan manfaatdor boʻlganlarning fitnasidir”.
Al Jazeera
Iordaniya Amerika kuchlariga uchuvchisiz samolyot zarbasi
Iordaniya hududida emas, Suriya chegarasidagi al-Tanf bazasiga amalga oshirilganini aytdi.
