34 kishining oʻlimiga va 3500 ga yaqin kishining jarohatlanishiga sabab boʻlgan peyjerlar va ratsiyalarning portlashi Hizbulloh saflarida katta xavfsizlik muammolari mavjudligini ochib berdi.

MOSSAD va Markaziy razvedka boshqarmasiga yaqin ommaviy axborot vositalarida va hukumatparast Hizbulloh manbalarida chop etilgan materiallarga koʻra, Isroil razvedkasi aloqa uskunalari sifatida niqoblangan portlovchi qurilmalarni etkazib berishda ishtirok etgan. Tarkibida plastik portlovchi moddalar boʻlgan bu qurilmalar MOSSADga tegishli kompaniya orqali sotib olingan va minglab Hizbulloh aʻʻzolariga tarqatilgan.

Isroil Gʻazodagi urush jinoyatlarini davom ettirar ekan, Livandagi bu yangi hujumlar tarixga yana bir qora sahifa qoʻshadi. Isroil razvedkasining xatti-harakatlari haqidagi batafsil nashrlari bilan tanilgan Amerikaning nufuzli The New York Times gazetasining yozishicha, portlagan AR-924 qurilmalari Tayvanning Gold Apollo kompaniyasiga tegishli brend ostida Vengriyaning BAC Consulting firmasi ishlab chiqargan. Ushbu kompaniya MOSSAD hujumni uyushtirish uchun niqob sifatida foydalangan kompaniya hisoblanadi.

Etkazib berish 2022 yilda boshlangan

Hizbulloh etakchisi Hasan Nasrulloh oʻz tarafdorlari orasida mobil telefonlardan foydalanishni taqiqlashni buyurgach, peyjerlardan foydalanishga qaror qilingan. Ushbu qarordan xabar topgan Isroil razvedkasi soxta kompaniyalardan foydalanishni boshlagan. Soxta kompaniyani niqobi ostida MOSSADning oʻzi plastik portlovchi modda joylashtirilgan va detonatsiya dasturiy taʻʻminoti oʻrnatilgan peyjerlarni ishlab chiqarib, birinchi partiyasini 2022 yilda Livanga etkazib bergan. The New York Times nashrining uch nafar anonim razvedka manbasi peyjerlarning kelib chiqishini yashirish uchun yana kamida 2 ta qoʻshimcha kompaniya yaratilganini tasdiqladi.

Ikki yillik operatsiya

Maqolaga koʻra, Isroilning BAC Consulting kompaniyasi dastlab oʻz xizmatlarini ochiq bozorda taklif qilib, keng doiradagi mijozlarga xizmat koʻrsatgan, biroq uning asosiy maqsadi Hizbulloh boʻlgan. Kerakli payt kelganida, kompaniya vakillari Hizbulloh rahbariyati bilan qurilmalarni ularga topshirish uchun aloqa oʻrnatgan. Ushbu peyjerlar va radio uzatgichlar Isroil razvedkasi tomonidan ishlab chiqarilgan va hujumga tayyorlangan.

Yozda taʻʻminotni koʻpaytirish

Gazeta, shuningdek, Hizbullohga buyruqlarni tez qabul qilish uchun har doim peyjerlarni oʻzlari bilan olib yurish koʻrsatma berilganini xabar qiladi. Ikki AQSh razvedkachisining soʻzlariga koʻra, yozda qurilmalar etkazib berish sezilarli darajada oshga va minglab Hizbulloh aʻʻzolari va ularning ittifoqchilariga tarqatilgan.

Portda uch oy kutish

Al Jazeera telekanaliga intervʻyu bergan urush muxbiri va siyosiy tahlilchi Elijax Magnier hujum haqida yangi maʻʻlumotlarni taqdim etdi. Uning qayd etishicha, qurilmalar fevralʻ oyida ishlab chiqarilgan va uch oy davomida Livan portida qolgan. Uning fikricha, bunday murakkab operatsiyani tashkil qilish uchinchi tomonning yordamini talab qilgan. Magnier har bir qurilma qoʻlda 1-3 gramm portlovchi bilan jihozlanganligini koʻrsatdi.

Metall sharchali qismlar

Magnier, shuningdek, peyjerlar metall sharchalar bilan taʻʻminlangani, bu portlashlarning halokatli kuchini sezilarli darajada oshirganini taʻʻkidladi. Har tomonga uchgan metall parchalari portlashni yanada halokatli qildi.

Javobsiz savollar

Hizbulloh xarid jarayonini qanday boshqargani, kerakli tekshiruvlarni oʻtkazganmi va Eron bunda qanday rol oʻynaganligi haqida koʻplab savollar ochiq qolmoqda. Shuningdek, bu kompaniyalar bilan qanday qilib aloqa oʻrnatilgani, nima uchun AQSh ittifoqchisi Tayvandan kompaniya tanlangani va MOSSAD Hizbulloh tuzilmalariga qay darajada kirib borgani maʻʻlum emas.

Ishlab chiqarish 10 yil oldin yakunlangan!

Hizbulloh tomonidan shoshilinch aloqa uchun foydalaniladigan radio uzatgichlar portlashidan soʻng, ushbu uskunani ishlab chiqaruvchi Yaponiyaning ICOM Inc. kompaniyasi bayonot berdi. Kompaniya rahbari Enomoto Yoshiki bu qurilmalar oʻn yildan koʻproq vaqt oldin ishlab chiqarilgan eski IC-V82 modeli boʻlishi mumkinligi va ularni etkazib berish oʻn yil muqaddas toʻxtatilganini maʻʻlum qildi.

Hizbulloh tuzilmasining fosh boʻlishi

Bu hujumlar Hizbullohning ichki tuzilishini ham fosh qildi. Yaqin Sharq boʻyicha ekspert Zohide Touba Korning fikricha, Isroil amaliyoti koʻp oqibatlarga olib keldi, jumladan, tashkilot sxemasini fosh qildi. Uning soʻzlariga koʻra, Isroil yo tinchlik kelishuvlari orqali Hizbulloh bilan oʻyin qoidalarini oʻzgartirishga yoki shimoliy chegaralari xavfsizligini taʻʻminlash uchun toʻlaqonli urush boshlashga harakat qilmoqda. Bu hujumlar natijasida faol va yashirin koʻplab Hizbulloh aʻʻzolari aniqlandi.

5000 kishini oʻldirishga urinish

Hujumlar ortidan Hizbulloh etakchisi Hasan Nasrulloh Isroilning harakatlarini qoralab, uni bir necha daqiqada 5000 kishini oʻldirishga uringanlikda ayblagan bayonot berdi. “Dushmanlar ikki daqiqa ichida 5000 kishini oʻldirib, xalqimizni yoʻq qilmoqchi boʻldi”, dedi u va Isroilning hujumi Livanga toʻgʻridan-toʻgʻri urush eʻʻlon qilish ekanligini aytdi.

Manba: Yeni Şafak