Hindistonning eng koʻp aholiga ega shtati sudi madrasalarni taqiqladi
Hindistonning eng koʻp aholiga ega Uttar-Pradesh shtati sudi islomiy maktablarni amalda taqiqladi. Ushba qaror shtatdagi 25 ming madrasada tahsil olayotgan 2,7 million nafar oʻquvchi-talabalar hamda oʻn minglab oʻqituvchilarga taalluqli. Hindiston musulmonlari sud qaroriga qarshi norozilik bildirmoqda.
Hindistonning
eng koʻp aholiga ega Uttar-Pradesh shtati sudi islomiy maktablarni amalda
taqiqladi.
Sud
qarori Uttar-Pradeshdagi madrasalar maqomini tartibga soluvchi 2004 yilda qabul
qilingan qonunni Hindistonning konstitutsiyaviy dunyoviyligini buzgani sababli
bekor qildi. Sud, shuningdek, shtatdagi islomiy maktablarning barcha oʻquvchilarini
oddiy umumtaʻʻlim maktablariga oʻtkazishni talab qildi, deb yozadi Yahoo!News.
Allohobod
Oliy sudining qarori 25 ming madrasadagi 2,7 million talaba va oʻn minglab
oʻqituvchilarga taalluqlidir, dedi Uttar-Pradesh madrasasi boshqaruvi raisi Iftixor
Ahmad Javed.
Aytish joizki, Uttar-Pradesh shtatida istiqomat qiluvchi 240 million
aholining beshdan bir qismi musulmonlardir.
"Hokimiyat 6 yoshdan 14 yoshgacha boʻlgan bolalarning rasman
tan olingan muassasalarga kirishdan chetda qolmasligini taʻʻminlashi kerak",
deb yozgan sudʻyalar Subhash Vidyarthi va Vivek Chaudxari oʻz qarorida.
