Germaniyada musulmonlar manfaatini himoya qiluvchi yangi partiya tashkil etildi

Germaniyada maqsadi ozchilik musulmonlar manfaatlarini himoya qilishdan iborat boʻlgan “Xilma xillik va uygʻonish uchun demokratik alʻyans” (DAVA) nomli yangi siyosiy partiya paydo boʻldi.

Germaniyada maqsadi ozchilik musulmonlar manfaatlarini himoya qilishdan iborat boʻlgan “Xilma xillik va uygʻonish uchun demokratik alʻyans” (DAVA) nomli yangi siyosiy partiya paydo boʻldi.

TRT`ning nemis nashrlariga tayanib yozishicha, Evroparlamentga saylovlarda qatnashishni rejalashtirayotgan partiyaning potentsial saylovchilari soni 5 million kishi boʻlishi mumkin.

Bild gazetasi Turkiya etakchisi Rajab Toyyib Erdoʻgʻanning Germaniyada yashovchi turklar orasida katta mashhurligi tufayli bu partiyaning Turkiya bilan qandaydir aloqalari boʻlishi mumkinligi haqida maqola chop etdi.

Uyushmaning oʻzi esa turk partiyalari bilan aloqasi yoʻqligini taʻʻkidlab, DAVA chet eldan yordam olmasligini taʻʻkidladi.

Partiya rahbariyatida toʻrt nafar siyosatchi ‑ gamburglik shifokor, “HAMAS va tegishli tashkilotlarni qoʻllab-quvvatlagani uchun” Ichki ishlar vazirligi roʻyxatiga tushgan Mustafo Yoʻldosh, Quyi Saksoniyadan shifokor Ali Ihsan Unlu, Zolingenlik huquqshunos Fotih Zingal hamda uyushma rahbari, inson huquqlari faoli, 30 yil davomida Germaniya Sotsial-demokratik partiyasining aʻʻzosi boʻlgan Teyfik Oʻzjan oʻrin egallagan.

Ular, jumladan, kelib chiqishi chet ellik boʻlgan shaxslar kvartira topish va ishga kirishda jiddiy muammolarga duch kelayotganini inobatga olib, ularga barcha zarur huquqlar toʻliq berilishini talab qilishmoqda.

2023 yil iyunʻ oyida musulmonlarga qarshi nafrat nutqiga qarshi kurash boʻyicha mustaqil ekspertlar kengashi nemis jamiyatida musulmonlarga qarshi irqchilik va islomofobiya keng tarqalgani haqida hisobot eʻʻlon qildi.

Nashrning yozishicha, Germaniyada musulmonlar koʻpincha begonadek qabul qilinadi va Germaniyaning taxminan har ikkinchi aholisi musulmonlarga qarshi bayonotlarga qoʻshiladi. Hisobot mualliflari Germaniyadagi musulmonlar “eng zaif ozchiliklardan biri” degan xulosaga kelishgan.

Tadqiqotda ekspertlar islomofobiya sabab boʻlgan koʻplab jinoyatlar rasmiy statistika doirasidan tashqarida qolayotganini taʻʻkidladi.