Gʻazoda urush boshlanganiga 5 oy boʻldi. Kunning eng muhim xabarlari dayjesti

Isroil Gʻazoga hujum qilganiga roppa-rosa besh oy boʻldi. Urushning eng soʻnggi kunining muhim xabarlari dayjesti.

 

▪️ Oʻtgan tunda ishgʻolchilar Gʻazo sektorining Dayr al-Balah, Nuseyrat lageri va Rafahga hujum qildi.

▪️ 25 soat ichida 86 kishi halok boʻldi, 113 kishi yaralandi.

▪️ 5 oy ichida Gʻazo sektorida 30 717 nafar falastinlik halok boʻldi, 72 156 kishi yaralandi. Ularning aksariyati ayollar va bolalardir.

▪️ Gʻarbiy Sohilda ishgʻolchilar Ramallah, Tubas va Xevronga bostirib kirdi. Bir falastinlik halok boʻldi, oʻnlab odamlar hibsga olindi, jumladan ozod qilingan mahbuslar qaytadan olib ketildi.

▪️ Gʻazo Sogʻliqni saqlash vazirligi: Ochlikdan oʻlgan aholi soni 20 kishiga koʻtarildi. “Biz ishonamizki, oʻnlab odamlar kasalxonalarga etib borguncha ochlikdan tinchgina oʻlmoqda”.

▪️ Janubiy Afrika Xalqaro sudni Gʻazoda ocharchilikning oldini olish uchun Isroilga qarshi qoʻshimcha favqulodda choralar koʻrishga chaqiradi.

▪️ Husiylar yoʻnalishni oʻzgartirish boʻyicha bir necha marta buyruq berganidan soʻng Amerikaning True confidence kemasini oʻqqa tutdi. AQSh maʻʻlumotlariga koʻra, 3 kishi halok boʻlgan, 4 kishi yaralangan. Bular Qizil dengizdagi husiylar operatsiyalari davomidagi birinchi qurbonlardir.

▪️ Shifa kasalxonasi: Ochlik va surunkali kasalliklardan aziyat chekayotganlar kechayu kunduz tez yordam boʻlimiga oqib kelishmoqda.

▪️ Bosqinchi OAV: Xon-Yunisdagi qarshilik kuchlarining hujumi bir ofitserning oʻlimiga va koʻp sonli yaradorlarga olib keldi, ularning barchasi uzoq muddatli reabilitatsiyaga muhtoj boʻlib, armiya harbiy saflarini yangi jangchilar bilan toʻldirishga toʻgʻri keladi.

▪️ Xitoy tashqi ishlar vaziri Van: Gʻazoda sodir boʻlayotgan voqealar insoniyat uchun fojia, tsivilizatsiya uchun esa sharmandalikdir.

▪️ Evropa Ittifoqi oliy vakili Xosep Borel: Gʻazoda insoniyatning ishlashiga imkon beradigan deyarli hamma narsa yoʻq qilindi: mulk, infratuzilma, madaniyat va sogʻliqni saqlash, maktablar...