Frantsiya Pavel Durovni hibsga olish muddatini uzaytirdi

Frantsiya hukumati Telegram asoschisi Pavel Durovni hibsda saqlash muddatini 96 soatgacha (4 kun) uzaytirdi. Durov firibgarlik, giyohvand moddalar savdosi, kiberbulling, uyushgan jinoyatchilik va terrorizm tashviqoti kabi jinoyatlarda gumonlanmoqda. Telegram ushbu ayblarni rad etdi.

Frantsiya hukumati Telegram asoschisi Pavel Durovni hibsda saqlash muddatini uzaytirdi, deya xabar bermoqda AFP. Soʻroq uchun hibsga olishning dastlabki muddati 96 soatgacha davom etishi mumkin. Bu muddat oxirida sudʻya uni ozodlikka chiqarishi yoki ayblov eʻʻlon qilib, qamoqda saqlash muddatini uzaytirish toʻgʻrisida qaror qabul qilishi mumkin.

AFP manbasining aytishicha, Frantsiya Adliya vazirligi (OFMIN) Durovni firibgarlik, giyohvand moddalar savdosi, kiberbulling, uyushgan jinoyatchilik va terrorizm tashviqoti kabi jinoyatlar boʻyicha dastlabki tergov doirasida hibsga olish uchun order bergan. Durov oʻz platformasida jinoiy foydalanishni bostirish choralarini koʻrmaganlikda ayblanmoqda.

Telegram Durovning yashiradigan hech narsasi yoʻqligi va u tez-tez Evropa boʻylab sayohat qilishini aytdi.

“Telegram Evropa Ittifoqi qonunlariga, jumladan Raqamli xizmatlar toʻgʻrisidagi qonunga rioya qiladi va uning moderatsiyasi sanoat standartlariga mos keladi, — deya qoʻshimcha qildi Telegram. — Platforma yoki uning egasi platformadagi suiisteʻʻmollik uchun javobgar ekanligini daʻʻvo qilish bemaʻʻnilikdir".

Eslatib oʻtamiz, yakshanba kuni Frantsiya razvedka xizmatlari Telegram asoschisi Pavel Durovni Parij Le Burje aeroportida hibsga oldi. Frantsiyaning TF1 telekanaliga koʻra, Durov oʻzining shaxsiy Embraer Legacy 600 samolyotidan chiqib kelayotganida hibsga olingan, u 20 yilgacha qamoq jazosiga mahkum etilishi mumkin. Durov Frantsiya fuqarosi sifatida sud qilinadi.