Erondagi portlash uchun IShID javobgarlikni oʻz zimmasiga oldi
Eronda Sulaymoniy qabriya yaqinida 84 kishining oʻlimiga sabab boʻlgan ikkita portlash uchun javobgarlikni IShID oʻz zimmasiga oldi.
Eronda sodir
etilgan va 84 kishining hayotiga zomin boʻlgan terror hujumi uchun javobgarlikni IShID
terror tashkiloti oʻz zimmasiga oldi. Bu haqda guruh Telegram-kanallarida xabar
berdi.
Xabarda
aytilishicha, Eronning Kirmon viloyatidagi hujumlarni ikki nafar xudkush-terrorchi
amalga oshirgan.
IRNA axborot
agentligi manbalarining soʻzlariga koʻra, buni oʻrganilgan dalillar, jumladan,
videokuzatuv kameralaridagi yozuvlar ham tasdiqlaydi.
"Birinchi
xudkush-terrorchi portlash natijasida oʻzini portlatgan erkak boʻlgan. Uning
shaxsini aniqlash ishlari olib borilmoqda", - dedi u.
Eslatib
oʻtamiz, avvalroq Eronning Kirmon viloyatida Islom inqilobi qoʻriqchilari
korpusi (IRQK) qoʻmondoni
Qosim Sulaymoniy qabri yaqinida
ikkita portlash sodir boʻlgandi.
Portlovchi qurilmalar 2020 yil 3 yanvarda AQSh havo hujumi
natijasida Bagʻdodda halok boʻlgan IRQK qoʻmondoni xotirasiga hurmat bajo keltirish uchun yuzlab odamlar
ketayotgan qabristonga olib boruvchi yoʻlda harakatga keltirilgan.
Taʻʻkidlanishicha, portlashlar taxminan oʻn daqiqalik oraliqda
sodir boʻlgan. Portlashlar natijasida 84 kishi halok boʻlgan, 284 kishi
jarohatlangan. Eron rasmiylari voqeani terakt deb atadi.
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
