Eron islom dunyosini Haniyaning oʻldirilishiga javobida oʻzini qoʻllab-quvvatlashga chaqirdi
Eron Falastinning HAMAS harakati Siyosiy byurosi rahbari Ismoil Haniyaning oʻldirilgani uchun Isroilga javob qaytarishda islom davlatlaridan yordam kutmoqda. Bu haqda Eron tashqi ishlar vaziri vazifasini bajaruvchi Ali Bagheri Kani Islom hamkorlik tashkiloti (IHT) bosh kotibi Hissayn Brahim Taha bilan uchrashuvda aytib oʻtdi. 

Kanining aytishicha, Eron boshqa islomiy davlatlar Tehronning Haniyaga uyushtirilgan suiqasd uchun qasos olishga boʻlgan "qonuniy huquqi"ni qoʻllab-quvvatlashini kutmoqda. 

“Islom mamlakatlaridan Eronning bu tajovuzga qonuniy va zaruriy javob berish boʻyicha ajralmas va qonuniy huquqini qoʻllab-quvvatlashi kutilmoqda, chunki Eronning harakatlari nafaqat oʻz suvereniteti va milliy xavfsizligini himoya qilish, balki butun mintaqada barqarorlik va xavfsizlikni taʻʻminlashga qaratilgan”, - dedi u.  

Ismoil Haniya Eronga tashrifi chogʻida 31 iyulʻ kuni boshqariladigan bombaning falastinlik siyosatchi istiqomat qilayotgan qarorgohga tushishi oqibatida halok boʻlgandi. U mamlakatga yangi prezident inauguratsiyasida ishtirok etish uchun kelgandi.

Mavzuga aloqador

  • Isroilning koʻzi Misrda

    Isroil meros ishlari vaziri Amikay Eliyaxu ijtimoiy tarmoqlarda jamoatchilikni Gʻazo sektori, Gʻarbiy Sohil va Sinay yarim orolini oʻz ichiga olgan Isroil xaritasi tushirilgan futbolkalarni sotib olishga chaqirdi. Eliyaxu oʻta oʻngchi siyosatchi – milliy xavfsizlik vaziri Itamar Ben-Gvir etakchilik qiladigan «Otsma Yexudit» partiyasi aʻʻzosi hisoblanadi. Xarita esa Isroil Misrning Sinay yarim oroliga ham koʻz tikkanidan darak beradi.

    Davomini o'qish...

  • Amnesty International Olimpiya oʻyinlari oldidan Frantsiyada hijob taqiqlanganiga qarshi chiqdi

    Amnesty International inson huquqlari tashkiloti Frantsiyani Parijdagi yozgi Olimpiada oʻyinlarida ayollarga hijobda qatnashishni taqiqlab, xalqaro inson huquqlari qonunchiligini buzganlikda aybladi. Oʻtgan yilning sentyabrʻ oyida Frantsiya sport vaziri frantsuz sportchilariga tadbirlar vaqtida diniy ramzlarni namoyish etish, jumladan, roʻmol taqiqlanishini aytgan edi.

    Davomini o'qish...

Eng ko‘p o‘qilgan

Tavsiya qilingan