Dunyoning taqdiri oʻzgaradimi: Tramp inauguratsiya marosimida nimalar dedi?

AQSh prezidentiligi lavozimiga kirishgan Donald Tramp inauguratsiya marosimida avvalgi hukumatni tanqid qilib, Amerikaning yangi oltin asri boshlanganini taʻʻkidladi. U oʻlim jazosini federal miqyosda qayta tiklash, faqat ikki: erkak va ayol jinsini mustahkamlashga vaʻʻda berdi.

20 yanvarʻ kuni Donalʻd Tramp AQShning 47-prezidenti sifatida rasman faoliyatini boshladi. U inauguratsiya marosida nutq soʻzlab, prezidentlik davrida nimalar qilishni rejalashtirayotganini qisqacha taʻʻkidlab oʻtdi.

Tramp nutqidan iqtiboslar

Toki farzandlarimiz va siz munosib boʻlgan kuchli, xavfsiz va farovon Amerika qurmagunimizcha tinchlanmayman. Bu haqiqatan ham Amerikaning oltin asri boʻladi.

Adliya vazirligi va hukumatimizdan buzuqlik, shafqatsizlik va adolatsizlik yoʻlida qurol sifatida foydalanish toʻxtatiladi.

Hukumatimiz ishonch inqiroziga duch keldi. Koʻp yillar davomida radikal va korruptsiyalashgan tuzum fuqarolarimizdan hokimiyat va boylikni tortib oldi, shu bilan birga, jamiyatimiz ustunlari qulatilib, aftidan, butunlay tanazzulga yuz tutdi.

Endi esa hukumatimiz chet ellarda uzluksiz davom etayotgan falokatlar ketma-ketligi qarshisida qolib, bir vaqtning oʻzida oʻz uyidagi oddiy inqirozni ham hal qila olmayapti. Hukumatimiz ulugʻvor, qonunga itoatkor Amerika fuqarolarini himoya qila olgani yoʻq, lekin mamlakatimizga butun dunyodan noqonuniy ravishda kirib kelgan, qamoqxona va ruhiy kasalliklar muassasalariga taalluqli, xavfli jinoyatchilarga boshpana va himoya bermoqda.

Yoki Los Anjelesni olaylik, bir necha hafta davomida fojiali tarzda yonayotgan yongʻinlarni kuzatib turibmiz, hech qanday himoyaga ishoralar yoʻq. Hech kim bunga qarshi hech narsa qilolmayapti. Va bu holat oʻzgaradi.

Sogʻliqni saqlash tizimimiz tabiiy ofatlarga bardosh bera olmayapti, shu bilan birga, unga dunyoning boshqa mamlakatlariga qaraganda koʻproq pul sarflanmoqda. Taʻʻlim tizimimiz esa farzandlarimizga oʻzlaridan uyalishni, koʻp hollarda, biz jon-jahdimiz bilan ularga berishga harakat qilayotgan muhabbatimizga qaramay, oʻz mamlakatidan nafratlanishni oʻrgatyapti. Bularning barchasi bugundan boshlab va juda tez oʻzgaradi.

Biz vatanimizni unutmaymiz. Konstitutsiyamizni ham, Xudoni ham unutmaymiz. Bunday qilish mumkin emas.

Janubiy chegaramizda favqulodda holat eʻʻlon qilaman. Barcha noqonuniy kirishlar zudlik bilan toʻxtatiladi va million-million jinoyatchi chet elliklarni kelgan joylariga qaytarish jarayonini boshlaymiz.

«Meksikada qolish» siyosatimni tiklaymiz. «Tutdik va qoʻyib yubordik» amaliyotiga chek qoʻyaman. Men mamlakatimiz tomon halokatli bostirib kirishni toʻxtatish uchun janubiy chegaraga qoʻshin yuboraman.

 

Kartellarni xorijiy terroristik tashkilotlar deb tan olamiz.

AQSh hududiga, jumladan, shaharlarimiz va ichki shaharlarimizda halokatli jinoyatchilikni keltirib chiqaruvchi barcha xorijiy toʻdalar va jinoiy tarmoqlarni yoʻq qilish uchun buyruq beraman.

Er yuzidagi barcha mamlakatlar orasida eng koʻp neftʻ va gaz mavjud va biz bundan foydalanamiz. Narxlarni pasaytiramiz, strategik zaxiralarimizni yana eng yuqori darajagacha toʻldiramiz va Amerika energiyasini butun dunyoga eksport qilamiz.

Boshqa mamlakatlarni boyitish uchun fuqarolarimizga soliq solish oʻrniga, fuqarolarimizni boyitish uchun xorijiy davlatlarga soliq va bojlar solamiz. Xorijiy manbalardan gʻaznachiligimizga tushadigan juda katta mablagʻlar boʻladi.

Bugundan boshlab Qoʻshma Shtatlar hukumatining rasmiy siyosati faqat ikki jins mavjudligiga tayanadi: erkak va ayol.

2017 yildagi kabi, biz yana dunyo koʻrgan eng kuchli armiyani quramiz. Oʻz muvaffaqiyatimizni nafaqat janglardagi gʻalabalarimiz bilan, balki tugallagan urushlarimiz va, ehtimol, eng muhimi, hech qachon qatnashmaydigan urushlarimiz bilan ham oʻlchaymiz.

Tez orada biz Meksika koʻrfazining nomini Amerika koʻrfaziga oʻzgartiramiz va buyuk prezident Uilʻyam Mak-Kinli nomini Mak-Kinli togʻiga qaytarib beramiz.

Panama kanalini Xitoy boshqarmoqda, biz esa uni Xitoyga bermagandik, Panamaga bergandik va endi uni qaytarib olamiz.

Biz birgalikda surunkali kasalliklar epidemiyasiga chek qoʻyamiz va farzandlarimizni xavfsiz, sogʻlom va kasalliklardan xoli tarzda saqlaymiz.

Qoʻshma Shtatlar yana oʻzini boyligimizni oshiradigan, hududlarimizni kengaytiradigan, shaharlar quradigan, umidlarimizni oshiradigan va bayrogʻimizni yangi va goʻzal ufqlarga olib chiqadigan mamlakat deb biladi.

Amerikalik astronavtlarni Mars sayyorasiga yulduzli va yoʻl-yoʻl bayroqni oʻrnatish uchun yuborib, yulduzlar tomon yoʻlni davom ettiramiz.