Britaniya Mudofaa vazirligi musulmon tashkiloti bilan aloqalarini uzdi

Britaniya Musulmonlar Kengashi (MBC) bosh kotibi Zara Muhammad mamlakat Mudofaa vazirligi tashkilot bilan 12 yillik aloqalarini tugatganini maʻʻlum qildi.

Britaniyadagi eng yirik musulmon tashkiloti bunga qadar Mudofaa vazirligi va armiyaning potentsial kapellan-imomlar oʻrtasida vositachi boʻlib kelgan.

“Vazirlik bizga murojaat qilib, baʻʻzi imomlar jamiyatda obroʻ-eʻʻtiborli shaxslarmi, deb soʻrardi? Biz “ha” yoki “yoʻq” deb javob berardik”, - deya izoh keltiradi Zaraning soʻzlaridan The Guardian nashri.

Zaraning soʻzlariga koʻra, Mudofaa vazirligining bunday qarori Daily Telegraph gazetasida shu mavzudagi maqoladan keyin qabul qilingan. Vazirlik maktubida hukumatning Britaniya Musulmonlar kengashi bilan hech qanday munosabatda boʻlishi mumkin emasligi aytilgan.

Eslatib oʻtamiz, soʻnggi kunlarda Britaniya hukumati kutilmagan bayonotlar bilan chiqmoqda – rasmiylar «ekstremizm» tushunchasiga yangi taʻʻrif kiritib, shu asosda bir qator musulmon tashkilotlarini ekstremistik tashkilotlarga kiritishlari mumkin.