Bombalanayotgan Gʻazo: 394-kunning asosiy voqealari


Isroil Gʻazo sektorida bosqinchilik va qirgʻinbarot urushini boshlaganiga 394 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Bayt Lahiya va Nuseyrat va Jabaliya lagerlariga hujum qildi. Kun davomida 28 kishi halok boʻldi. Urush boshlanganidan buyon 43314 kishi shahid boʻldi.

▪️Gʻarbiy Sohilda ishgʻolchilar Al-Xalil, Qalqilya, Nablus, Baytlahm va Ramallohga hujum qildi. Oʻnlab falastinliklar hibsga olingan, 2 nafari yaralangan.

▪️JSST: Isroil qoʻshinlari Gʻazo shahridagi poliomielitga qarshi emlash markaziga shovqinli granata tashlab, toʻrt bolani jarohatladi.

▪️YuNISEF: Ikki kun ichida Jabaliyada 50 dan ortiq bola halok boʻldi.

▪️Gʻazodan Al-Quds brigadalari Sderot, Maflasim va mintaqaga eng yaqin aholi punktlariga raketa uchirdi.

▪️"Hizbulloh" Isroilga qarshi 26 ta operatsiyani amalga oshirdi. Tel-Avivdagi Glilot bazasi, Akredagi Sharaga bazasi, Ramat Daviddagi baza va aeroport, Hayfadagi Zovolun bazalari hujumga uchragan. Hula shahrida 2 ta harbiy bulʻdozer portlatib yuborildi.

▪️Bu kecha bosqinchilar Livanning Joya, Adlon, Humayn va Al-Xiom shaharlariga havo hujumlarini uyushtirdi. Umuman olganda, agressiya boshlanganidan buyon 2968 kishi halok boʻldi, 13319 kishi jarohat oldi.

▪️BMT: 17 sentyabrdan beri Isroilning Livanga hujumi oqibatida 85 nafar shifokor xizmat vaqtida halok boʻldi.

Mavzuga aloqador

Eng ko‘p o‘qilgan

Tavsiya qilingan