Bombalanayotgan Gʻazo: 362-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 362 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Gʻazoning markazi va shimolidagi Nuseyrat
lageriga hujum qildi. Isroilning soʻnggi 24 soat ichida uyushtirgan hujumlarida
kamida 51 kishi halok boʻldi, 165 kishi yaralandi. Urush boshlangan 2023 yil 7 oktyabrdan buyon jami
41689 kishi halok boʻldi, kamida 96 625 kishi jarohatlangan.
▪️Bir
necha soat ichida, kechasi fashistlar Gʻazodagi koʻchirilgan odamlar yashayotgan toʻrtta
maktab, jumladan, 1948 yilda tashkil etilgan Al-Aman bolalar uyiga hujumlar
uyushtirdi.
▪️Bosqinchilar Bayrutning janubiy chekka hududlariga ikki soat ichida 11 marta zarba berdi. Kun davomida 55 kishi halok boʻldi, 156 kishi jarohat oldi.
▪️Eronning bosqinchilarga qarshi ommaviy hujumi 3 ta yirik
havo bazasini: oʻnlab
F-35 qiruvchi samolyotlari boʻlgan
Nafatim, Hatzrim va Tel Nof havo bazalarini yoʻq qildi. Tel-Avivdagi Mossad shtab-kvartirasi, Metulladagi
harbiy baza, Doviev kazarmasi, Shtoladagi harbiy shtab, Glilot harbiy bazasi va
Battiste posyolkasidagi askarlar otryadiga ham zarbalar berildi.
▪️Bugun tongda Hizbulloh Livan bilan chegarada Isroil
askarlari bilan jangga kirishdi. Bosqinchilar talafot koʻrdi va chekinishga majbur
boʻldi.
▪️“Yafa operatsiyasi”. Kecha al-xalillik ikki yosh falastinlik bir
askarni pichoqlab, uning qurollarini oʻgʻirlab, Tel-Avivdagi koʻchmanchilarga qarata
oʻt ochgan. 7 koʻchmanchi halok boʻldi, 17 kishi yaralandi.
▪️Ishgʻolchilar
vayronalar ostidan 26 nafar yaradorni olib chiqish uchun Xon-Yunisga yoʻl olgan Gʻazo
fuqarolik mudofaasi kuchlariga qarata oʻt ochdi.
▪️Isroil
TIV rahbari Israel Kats BMT bosh kotibi Antoniu Guterrishni Isroilda persona non grata deb eʻʻlon
qilish va uning mamlakatga
kirishini taqiqlashni koʻzda
tutgan qarorni imzoladi.