Bombalanayotgan Gʻazo: 354-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 354 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Rafah, Dayr al-Balah, Jabaliya va Nusayrat lageriga hujum
qildi. Urush boshlanganidan buyon 41455 kishi shahid boʻldi.
▪️Livan uchun eng ogʻir kecha. Isroilning Livan janubidagi
shaharlarni ommaviy bombardimon qilishlari 21 soat davom etdi. Oʻnlab turar-joy binolari
bombardimon qilindi. Odamlar vayronalar ostida qolmoqda. Bekaa vodiysi eng koʻp
zarar koʻrdi.
▪️Livan Sogʻliqni saqlash vazirligi: Bir kun ichida 492 kishi,
jumladan 35 bola va 56 ayol halok boʻldi. 1645 kishi jarohatlangan.
▪️Al-Qassam brigadalari Livandan Isroilga 40 dan ortiq
snaryad uchirdi.
▪️Hizbulloh Isroildagi
Hayfa, Zaytim harbiy bazasi, Rafael harbiy-sanoat majmuasi, Ramat Davit
aviabazasi va Nimra bazasi, Megiddo harbiy aeroporti, Amos bazasi va Zichron
hududidagi portlovchi moddalar zavodiga hujum qildi.
▪️Birinchi marta Hizbulloh raketalari Gʻarbiy Sohilga etib
keldi.
▪️Turkiya Tashqi ishlar vazirligi: Isroilni soʻzsiz
qoʻllab-quvvatlayotgan davlatlar Netanyaxuning siyosiy manfaatlari uchun qon
toʻkishiga yordam bermoqda.
▪️Xitoy: Livan xavfsizligi va suverenitetini himoya qilishda
uni qattiq qoʻllab-quvvatlaymiz.
▪️Frantsiya BMT Xavfsizlik Kengashining Livan boʻyicha favqulodda
yigʻilishini oʻtkazishga chaqirmoqda.
▪️Ishgʻol
matbuoti: Livanda 24 soat ichida 1300 ta zarba berildi.
▪️Oq uy: Bayden BAAni Qoʻshma Shtatlarning asosiy mudofaa
hamkori deb eʻʻlon qildi.
Mavzuga aloqador
-
Urushning dastlabki oylarida halok boʻlganlar soni faqatgina kasalxonalarga kelgan jasadlarni sanash hamda qurbonlarning ismi va pasport raqamlarini oʻz ichiga olgan maʻʻlumotlar orqali hisoblangan. Mojaro davom etar ekan, kasalxona va oʻlikxonalarning aksari ishdan chiqqani sababli, rasmiylar boshqa usullarni ham qoʻllashga majbur boʻlishdi.
-
Qizil dengizda husiylar tomonidan Isroilga aloqador kemalarga hujum qilgani va kemalar Yaxshi umid burni orqali Afrikani aylanib oʻtishni boshlaganidan keyingi toʻrt oy ichida (2023 yil dekabri oʻrtalaridan 2024 yil apreligacha) atmosferaga qoʻshimcha 13,6 mln tonna issiqxona gazlari chiqarilgan. Mutaxassislarning hisob-kitoblariga koʻra, agar inqiroz davom etsa, chiqindilar miqdori yiliga 41 mln tonnaga etishi mumkin.
