Bombalanayotgan Gʻazo: 304-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 304 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Dayr al-Balah, Xon Yunis, Nuseyrat lageri va Shayx Radvan hududiga hujum qildi. 24 soat ichida 54 kishi vafot etdi, 118 kishi jarohatlandi.

Hujjatlashtirilgan falastinlik qurbonlar soni 2023 yil 7 oktyabrdan beri 39 583 nafarga, jarohatlanganlar 91 398 nafarga etdi.

▪️Gʻarbiy Sohilda ishgʻolchilar Nablus, Jenin, Qalqilyaga bostirib kirdi. Qarshilik jangchilari shiddatli kurashmoqda.

▪️Gʻazo Sogʻliqni saqlash vazirligi: Ikki maktabga bosqinchilar tomonidan uyushtirilgan hujum paytida 30 nafar koʻchirilgan kishi halok boʻldi. Halok boʻlganlar va yaralanganlarning 80 foizi bolalardir.

▪️Al-Qassam brigadalari Gʻazodan Askalan va Ashdodga zarba berishdi. Rafahda tanklar portlatilgan.

▪️Hizbulloh Isroilning 91-divizion shtab-kvartirasiga uchuvchisiz uchoqlar va raketalar yordamida zarbalar berdi. Oʻlganlar va yaradorlar bor.

▪️Channel-12: Hizbulloh va Eronning ehtimoliy hujumlari sababli koʻplab aviakompaniyalar Tel-Avivga parvozlarni bekor qilishi ortidan 150 ming nafarga yaqin isroillik oʻz vataniga qayta olmayapti.

▪️Husiylar yuk kemasiga hujum qildi, shuningdek, Amerikaning MQ-9 Reaper uchuvchisiz uchogʻi ham urib tushirildi.

▪️Bayden Netanyaxuga Ismoil Haniyaning oʻldirilishi uni bu urushda kelishuvga erishishga ishonchini yoʻqotganini aytdi.

Mavzuga aloqador

Eng ko‘p o‘qilgan

Tavsiya qilingan