Bombalanayotgan Gʻazo: 298-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 298 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Xon Yunis va Gʻazo shahriga hujum qildi. Urush boshlanganidan buyon 39363 kishi shahid boʻldi. 90 923 kishi jarohatlandi.

▪️Isroil ishgʻol kuchlari, kecha kechqurun va seshanba kuni ertalab ishgʻol qilingan Gʻarbiy Sohilning turli hududlaridan kamida 15 nafar falastinlikni qoʻlga oldi. Gʻarbiy Sohildagi hibsga olinganlar soni 2023 yil 7 oktyabrdan boshlab taxminan 9870 ga oshdi.

▪️Hizbulloh Kiryat Shmona aholi punktlariga Katyusha raketa hujumlarini uyushtirdi, yongʻin 6 soatdan koʻproq vaqt davomida oʻchirildi.

▪️Isroil ishgʻol kuchlari Xon Yunis sharqidan olib chiqib ketilgandan keyin aholi oʻz uylari va ularning vayronalariga qaytishni boshladi.

▪️1200 nafar bosqinchi Sde Teman qamoqxonasida falastinlik mahbuslarni qiynoqqa solish va zoʻrlashda gumon qilinayotgan 9 nafar isroillik nazoratchi hibsga olingan Beyt Lid bazasiga bostirib kirib, mahbuslar ozod etilishini talab qildi.

▪️HAMAS: Sde Teyman qamoqxonasida mahbuslarga nisbatan sodir etilayotgan shafqatsiz qonunbuzarliklar insoniy qadriyatlarga qarshi boʻlgan qallob bosqinchilarning tabiatini tasdiqlaydi.

▪️Bosqinchi armiya Beyt Lid bazasini himoya qilish uchun Nahal brigadasini Gʻazodan olib chiqdi.

▪️Gʻazo Sogʻliqni saqlash vazirligi Falastin anklavida poliomielit epidemiyasi haqida eʻʻlon qildi.

▪️HAMAS siyosiy byurosi raisi Ismoil Haniya boshchiligidagi harakatning yuqori martabali delegatsiyasi Eronning yangi prezidenti Masʻʻud Pezshkyanning inauguratsiya marosimida ishtirok etish uchun ushbu mamlakatga tashrif buyurdi.