Bombalanayotgan Gʻazo: 281-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 281 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Nusayrat lageri, Xon Yunis va Dayr al-Balahga yirik hujumlar uyushtirdi. Oʻnlab odamlar halok boʻldi. Urush boshlanganidan buyon 38345 kishi shahid boʻldi.

▪️Al-Qassam brigadalari Gʻazo shahri gʻarbida ikkita Merkava tanki va ikkita harbiy mashinasini yoʻq qildi. Snayper ham yoʻq qilindi.

▪️Husiylar Qizil dengiz va Bob al-Mandeb boʻgʻozida ikkita kemaga hujum qildi.

▪️Gʻazo hukumati: Tal al-Havada oldindan rejalashtirilgan qirgʻin sodir boʻldi. 70 kishi halok boʻldi, yana 50 kishi bilan aloqa uzildi.

▪️Evropa-Oʻrtaer dengizi inson huquqlari tashkiloti: Ishgʻol Gʻazo shahri gʻarbida ommaviy qatllarni amalga oshirdi. Butun oilalar qatl qilindi.

▪️19 iyulʻ kuni Xalqaro sud Isroilning Falastin hududini bosib olishining huquqiy oqibatlari haqida maslahat xulosasini chiqaradi.