Bombalanayotgan Gʻazo: 276-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 276 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar sharqiy Gʻazo shahri, Jabaliya, Rafah va Shujayya tumanlariga yirik hujumlar uyushtirdi. Oʻnlab odamlar halok boʻldi. Urush boshlanganidan buyon 38153 kishi shahid boʻldi.

▪️Isroil askarlari oxirgi 24 soat ichida bosib olingan Gʻarbiy Sohilning turli hududlarida kamida 30 nafar falastinlikni qoʻlga oldi. 2023 yil 7 oktyabrdan buyon Gʻarbiy Sohilda Isroil harbiylari tomonidan qoʻlga olingan falastinliklar soni 9580 nafarga etdi.

▪️Gʻazo sharqidagi shiddatli bombardimonlar tufayli minglab aholi hududni tark etishga majbur boʻldi.

▪️Gʻazo fuqarolik mudofaasi: Sharqda va Jabaliyada ishgʻolchilar tomonidan amalga oshirilgan yangi qirgʻinlar tufayli oʻnlab shahid va yaradorlar hamon vayronalar ostida qolmoqda.

▪️Al-Qassam brigadalari: Biz Rafah va Shujayida bosqinchilar bilan shiddatli janglar olib bormoqdamiz. Ishgʻol uskunalari yoʻq qilindi.

▪️Hizbulloh Xermon togʻidagi TsAXAL texnik razvedka markazini bombardimon qildi, 60 ta raketa otdi. Harakatga koʻra, bu Gʻazoda urush boshlanganidan beri eng yirik operatsiya hisoblanadi.

▪️“Magʻrur Frantsiya” soʻl partiyasi rahbari: Biz yaqin ikki hafta ichida Falastin davlatini tan olamiz.

▪️BMT maxsus maʻʻruzachisi: Gʻazodagi odamlar tengi yoʻq doʻzaxda yashashmoqda. Gʻazo alohida holat emas. Isroil, umuman olganda, falastinliklar bilan urushayotgandek.

▪️Eron harbiy-dengiz kuchlarining IRIS Sahand (F-74) fregati Fors koʻrfazi sohillarida joylashgan Bandar Abbos portida chap tomonga yonboshlab qoldi. Rasmiy manbalar hodisaga taʻʻmir vaqtida kema ichiga suv kirgani sabab boʻlganini maʻʻlum qildi.