Bombalanayotgan Gʻazo: 263-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 263 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Magʻozi va Nuseyrat lagerlarida qirgʻinlar uyushtirdi, Xon Yunus va Rafahga hujum qildi, oʻnlab odamlarni oʻldirdi. Urush boshlanganidan buyon shahid boʻlganlar soni 36 627 kishiga etdi.

▪️Gʻarbiy Sohilda bosqinchilar Nablus va Ramallohga bostirib kirishdi. 30 dan ortiq falastinlik hibsga olindi. 12 yoshli Muhammad Hoshiya ismli bola oʻldirilgan. Sionistlar futbol mashgʻulotlaridan qaytayotgan Muhammadning qorniga qarata oʻq uzgan.

▪️Bosqinchi tanklar YuNRVAning koʻchirilganlar joylashgan ikkita maktabiga, Plyaj lagerida va Gʻazo markazida oʻt ochdi.

▪️Al-Quds brigadalari Ashkelon, Sderot va Milsimga hujum qildi.

▪️Iroq qarshilik kuchlari Hayfadagi harbiy bazaga hujum qildi.

▪️Turkiya ommaviy axborot vositalari: Isroil Netanʻyaxu va Gallantni hibsga olishga order berilishi uchun Xalqaro jinoiy sudga tayyorlanyapti.

▪️HAMAS etakchisi Ismoil Xoniyaning singlisi Gʻazo gʻarbidagi Beach lageriga uyushtirilgan hujum payti shahid boʻldi. Bosqinchilar Xoniyaning 60 dan ortiq qarindoshlarini, jumladan, 3 oʻgʻli va nevaralarini oʻldirishdi.

Mavzuga aloqador

Eng ko‘p o‘qilgan

Tavsiya qilingan