Bombalanayotgan Gʻazo: 231-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 231 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Bosqinchilar Dayr al-Balah, Jabaliya lageri, Rafah va Gʻazo shahriga yirik hujumlar uyushtirdi. Bosqinchilar kun davomida 9 ta qirgʻinni amalga oshirdi, natijada 91 nafar kishi shahid boʻldi. Urush boshlanganidan beri 35,8 ming kishi halok boʻldi.

 

▪️Gʻazon qarshilik kuchlari Jabaliya, Rafah va Nitsarim oʻqida bosqinchilar bilan shiddatli janglar olib bormoqda.

 

▪️202-batalʻonning ishgʻol askarlari: Jabaliya lageridagi janglar eng qiyinlaridan biri va Hamas jangchilari biz ilgari hech qachon koʻrmagan jasoratga ega.

 

▪️Bugun Xalqaro sud Janubiy Afrikaning Isroilning Rafahga hujumini zudlik bilan toʻxtatish haqidagi daʻʻvosi boʻyicha qaror chiqaradi.

 

▪️Kamol Advan kasalxonasi ishgʻolchilarning oʻqqa tutilishidan keyin butunlay ishdan chiqqan. Bu Gʻazo shimolidagi soʻnggi shifoxona edi.

 

▪️Al-Aqsa kasalxonasida elektr yoʻq. Shifokorlar dunyoni yordamga chaqirmoqda: elektrsiz bemorlar va erta tugʻilgan chaqaloqlar nobud boʻladi.

 

▪️Hizbulloh Kiryat Shmonadagi 769-brigada kazarmasiga va bosib olingan hududlardagi Zibdin kazarmalariga hujum qildi.

 

▪️«Gumbaz» Umm ar-Rashrash (eylat-ibroniy)ga qilingan hujumga bardosh bera olmadi. Raketalar oʻz maqsadiga etdi.

 

▪️HAMAS: 7 oktyabrda qoʻlga olingan polkovnik Assaf Hamami ishgʻol tarixidagi eng yuqori martabali isroillik mahbus hisoblanadi.

 

Gʻazoda AQSh tomonidan qurilgan vaqtinchalik port ustida ishlayotgan "jangovardan tashqari" jarohat olgan amerikalik askar "ogʻir ahvolda". Bu allaqachon "jangovar boʻlmagan" jarohat olgan uchinchi askardir.