Bombalanayotgan Gʻazo: 154-kunning asosiy voqealari

Isroil Gʻazo sektorida bosqinchilik urushini boshlaganiga 154 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar dayjesti.

Isroil Gʻazo sektorida bosqinchilik urushini boshlaganiga 154 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar dayjesti.

▪️ Bosqinchilar Jabaliya, Bayt-Laxiya, Zaytun va Xan-Yunis shaharlari boʻylab zarbalar berdi. Kun davomida 83 kishi halok boʻldi, 142 kishi jarohatlandi.

▪️ Gʻarbiy Sohilda istilochilar Xevron, Tulkarm, Nablus shaharlariga bostirib kirdi. Oʻnlab kishilar hibsga olindi.

▪️ Gʻazo gʻarbida ishgʻolchilar insonparvarlik yordami kelishini kutayotgan odamlarga oʻq uzdi. 1 kishi halok boʻldi, 29 kishi yaralandi.

▪️ Gʻazo SSV: Urush boshlanganidan buyon bosqinchilar 9 ming xotin-qizni, jumladan, onalar, homilador ayollar va tibbiyot xodimalarini oʻldirdi.

▪️ Germaniya Tashqi ishlar vazirligi: Isroil hukumati Gʻazoga yuborilgan har bir yoʻqotilgan gumanitar yordam paketi uchun javobgar. Isroil gumanitar yordamlar uchun koʻproq nazorat punktlarini ochishi va ularning kirishini taʻʻminlashi kerak.

▪️ Husiylar: Kema va uning ekipajini ushlab turish bilan bogʻliq har qanday masalalar faqat «Al-Qassam» tomonidan hal qilinadi.

▪️ Falastindagi yahudiy kelgindilar Xalildagi Ibrohim paygʻambar masjidiga beton bloklar olib kelib, Islom olamida muqaddasligi va tarixiy ahamiyati boʻyicha Kaʻʻba, Masjidi Nabaviy, Al-Aqsodan keyingi toʻrtinchi oʻrinda turadigan masjidga musulmonlarning kirishini toʻsib qoʻymoqchi.

▪️ The Washington Post: Oy uy Kongressni ogohlantirmay turib Gʻazodagi urush davomida Isroilga 100 partiyadan ortiq qurol-yarogʻlarni joʻnatgan. Yuborilgan qurollar orasida boshqariladigan oʻq-dorilar, kichik diametrli bombalar, bunker bombalari, kichik qurollar va boshqa halokatli yordamlar mavjud. Avvalroq AQSh faqat havo mudofaa tizimlari uchun batareyalar yuborish haqida gapirgan edi.

▪️ 2737 tonna gumanitar yuk ortilgan kema Turkiyaning Mersin shahri portidan qamaldagi Gʻazoga yoʻl oldi. U oziq-ovqat, suv, kiyim-kechak, gigiena vositalari, chodirlar, uxlash uchun sumkalar, koʻrpa-toʻshaklar, dori-darmonlar va boshqalarni oʻz ichiga oladi. Ular asosan mamlakatning oddiy aholisining xayr-ehsonlari evaziga olingan.

Mavzuga aloqador

Eng ko‘p o‘qilgan

Tavsiya qilingan