Bombalanayotgan Gʻazo: 151-kunning asosiy voqealari

Isroil Gʻazo sektorida bosqinchilik urushini boshlaganiga 151 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar dayjesti.

▪️  Bosqinchilar Gʻazo shimolidagi Zaytun mintaqasi, Nuseyrat lageri, Jabaliya, Xon Yunis va Bayt Lahiyaga zarba berdi. Xon Yunisda birgina Al-Faqaviy oilasidan 16 kishi vafot etdi.

30534 kishi shahid boʻldi, shundan 13430 nafari bolalar.

▪️ Gʻarbiy Sohilda bosqinchilar Xanan Bargutini yana hibsga olishdi, u noyabrʻ oyida mahbuslar almashinuvi doirasida ozod qilingan edi.

▪️ Husiylar Qizil dengizda AQSh kemasiga hujum qilganidan bir necha soat oʻtib Arab dengizidagi MSC SKY kemasiga ham hujum uyushtirdi.

▪️ Hizbulloh: Gʻarbiy Jaliladagi ishgʻolchilarning pozitsiyalariga Katyusha raketalari bilan 30 ta zarba berdik.

▪️ 100 dan ortiq avstraliyalik advokatlar Gʻazodagi genotsidning sherigi sifatida Avstraliya bosh vaziri Entoni Albanesega qarshi Xalqaro sudga petitsiya topshirmoqda.

▪️ YuNRVA rahbari: Atigi besh oy ichida Gʻazoda dunyoning istalgan joyidan koʻra koʻproq bolalar, koʻproq jurnalist, koʻproq shifokor va koʻproq BMT xodimlari halok boʻldi.

▪️Bosqinchilar Livan janubiga zarba berib, 3 nafar tibbiyot xodimini oʻldirdi.

▪️ Boliviya: Xalqaro sudda Isroilga qarshi ishida Janubiy Afrikani qoʻllab-quvvatlash uchun bir qancha davlatlar bilan hamkorlik qilyapmiz.

▪️ Bosqinchilik birjasi rahbari: Isroil qashshoq davlatga aylanmoqda. Xorijga kapitalning chiqib ketishi yuqori.

▪️ Turkiya Milliy razvedka boshqarmasi Istanbulda Isroilning Mossad razvedka xizmatiga maʻʻlumot sotishda gumonlanayotgan 7 kishi, jumladan, mahalliy telekanallarga muntazas ravishda tonggi dasturlarga mehmon sifatida taklif qilingan sobiq davlat xodimi Xamza Turxan Ayberk qoʻlga olindi.

Mavzuga aloqador

Eng ko‘p o‘qilgan

Tavsiya qilingan