Bomba ostidagi G'azo: 284-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 284 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Nusayrat lageri, Gʻazo markazi va Xon Yunisga hujum qildi. Oʻnlab odamlar halok boʻldi. Urush boshlanganidan buyon 38 664 kishi shahid boʻldi, 89 097 kishi yaralandi.

▪️Gʻarbiy Sohilda bosqinchilar Nablus, Tulkarm va Qalkilyoda ommaviy reydlar oʻtkazmoqda. Oʻnlab falastinliklar hibsga olindi, 1 falastinlik halok boʻldi. Uch nafari yaralangan.

▪️Husiylar Iroq qarshilik kuchlari bilan birgalikda Qizil va Oʻrta er dengizidagi ishgʻol portlariga yoʻl olgan 1 ta kema va 2 ta neftʻ tankeriga hujum qildi.

▪️Hizbulloh Kiryat Shmona ishgʻol ostidagi aholi punktlariga 50 dan ortiq Katyusha va Falak raketalari bilan zarba berdi.

▪️BMT bosh kotibi: Gʻazodagi har bir joy potentsial oʻlim zonasi.

▪️Ishgʻol matbuoti: Isroil Gʻazodan 1500 nomaʻʻlum jasadni ushlab turibdi.

▪️YuNRVA rahbari: Oʻtgan haftada Gʻazoda sodir boʻlgan hujumlar tarixdagi eng qonli hujumlardan biri boʻldi.

▪️Turkiya Tashqi ishlar vazirligi: Gʻazodagi turk saraton kasalxonasidan Isroil harbiy bazasi sifatida foydalanish halokat siyosatining bir qismidir. Turkiya Isroil harbiylarini xalqaro sudga olib chiqishga harakat qiladi.

Mavzuga aloqador

Eng ko‘p o‘qilgan

Tavsiya qilingan

Reklama