24.06.2024 13:41
331
Bomba ostidagi G’azo: 262-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 262 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Al-Magʻozi, Nuseyrat va Rafah lagerlariga hujum qildi. Kun davomida 47 kishi halok boʻldi, 121 kishi jarohat oldi.
▪️Gʻarbiy Sohilda bosqinchilar Tulkarm, Baytlahm, Ramallah va Nablusga hujum qilmoqda. 40 falastinlik hibsga olindi. Hibsga olinganlar orasida yaralangan 12 yoshli Muhammad al-Zaqika ham bor. Bola uyiga bostirib kirishi natijasida yaralangan.
▪️Husiylar Trans World Navigator kemasiga hujum qilib, zarar etkazdi.
▪️Gʻazo markazida tez yordam va favqulodda xizmatlar departamenti direktori Hani Al-Jafraviy fashistlar hujumi natijasida halok boʻldi.
▪️Axios: Netanyaxu harbiy vazirlar mahkamasi tomonidan maʻʻqullangan garovga olish boʻyicha kelishuv taklifini rad etdi. Mahbuslarning oilalari Netanyaxuning ayirboshlash bitimidan chiqqanini keskin qoraladi.
▪️Kamol Advan kasalxonasida yana ikki bola ochlikdan vafot etdi. Gʻazoda roʻyxatga olingan ochlikdan vafot etganlarning umumiy soni 31 nafarga etdi. Haqiqiy raqamlar ancha yuqori.
▪️Evropa Ittifoqi: Gʻazodagi inqiroz keskin nuqtaga etdi va gumanitar yordam koʻrsatish qariyb imkonsiz boʻlib qoldi.
▪️Save the Children: Taxminimizcha, Isroil tajovuzlari natijasida Gʻazoda taxminan 21 ming bola bedarak yoʻqolgan.
