BMT Xavfsizlik kengashi Gʻazo boʻyicha rezolyutsiyani qabul qildi,biroq...
BMT Xavfsizlik Kengashi oʻtgan hafta bir necha kechikishlardan soʻng Gʻazoga gumanitar yordamni koʻpaytirish boʻyicha rezolyutsiyani qabul qildi.
BMT Xavfsizlik
Kengashi Gʻazoga gumanitar yordamni koʻpaytirish boʻyicha rezolyutsiyani qabul qildi.
Qabul
qilingan rezolyutsiya AQSh tomonidan oʻt ochishni toʻxtatishga chaqiruvni yumshatishga
urinishlar sababli bir necha bor kechiktirildi.
“Harbiy
harakatlarni barqaror toʻxtatish uchun shart-sharoitlar yaratish” choralarini koʻrishga
chaqiruvchi rezolyutsiya juma kuni 13 ovoz bilan qabul qilindi va hech kim qarshi chiqmadi,
AQSh va Rossiya betaraf qoldi.
Anadolu xabariga
koʻra, ovoz berishdan oldin AQSh Rossiyaning gumanitar yordamga uzluksiz va xavfsiz
kirishni taʻʻminlash uchun Gʻazodagi harbiy harakatlarni zudlik bilan toʻxtatishni
talab qilgan taklifiga veto qoʻydi.
Hujjat
loyihasining dastlabki tahririda bahs-munozaralarga sabab boʻlgan va AQSh
tomonidan qarshilik koʻrsatgan masalalardan biri insonparvarlik yordami toʻsiqsiz
etib borishi uchun “harbiy harakatlarni toʻxtatish” talabi mavjud edi.
Biroq qabul
qilingan rezolyutsiyada uning oʻrniga Gʻazoga kengaytirilgan gumanitar yordamning
uzluksiz va xavfsiz kirishi hamda harbiy harakatlarni barqaror toʻxtatish uchun
zarur shart-sharoitlarni yaratish uchun shoshilinch choralar koʻrish talab qilingan.
Rezolyutsiya
loyihasidagi “BMT bosh kotibi Antoniu Guterrishning yordamni nazorat qilish
mexanizmini yaratish kerak” degan talabi yana bir muammo sifatida yuzaga keldi.
Shiddatli
muzokaralar yakunida tomonlar mexanizm oʻrniga “Gʻazodagi fuqarolik jamiyatiga
yordam etkazilishini tezlashtirish uchun bosh kotibning gumanitar va qayta qurish
boʻyicha oliy koordinatori” tayinlanishiga kelishib oldilar.
Qarorda bosh
kotib tomonidan tayinlanadigan koordinatordan Gʻazoga yordam etkazilishini
tezlashtirish va osonlashtirish uchun mexanizm yaratish talab qilingan.
Rezolyutsiyada,
shuningdek, koordinatorni imkon qadar tezroq tayinlash talab qilinib, zarur
xodimlar va jihozlar bilan taʻʻminlangan koordinator BMT vakolati ostida ishlashi
va BMT xavfsizlik kengashi tomonidan unga yuklangan vazifalarni bajarishi
taʻʻkidlangan.
Qarorda
koordinatordan insonparvarlik yordami turini tasdiqlash talab qilingan va shu
bilan birga, unga insonparvarlik yordamini joʻnatishda "koʻmaklashish,
muvofiqlashtirish, nazorat qilish va tasdiqlash" vazifalari berilgan.
.png)
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Amerikalik musulmonlar Isroilning Gʻazoga qarshi urushida AQSh prezidentining harakatlariga nisbatan oʻz pozitsiyasini aks ettiruvchi “Baydendan voz kechish” kampaniyasini boshlashni rejalashtirmoqda, deya xabar qildi Axios nashri.
