BMT Xavfsizlik Kengashi Baydenning Gʻazoda oʻt ochishni toʻxtatish rejasiga mos rezolyutsiyani qabul qildi

BMT Xavfsizlik Kengashi AQSh prezidenti Jo Baydenning Gʻazoda oʻt ochishni butunlay toʻxtatish boʻyicha uch bosqichli rejasiga mos rezolyutsiyani qabul qildi. Hujjatda ikki davlat qarori, shuningdek, Gʻazo sektori va Gʻarbiy Sohilni Falastin maʻʻmuriyati ostida birlashtirish muhimligi taʻʻkidlangan. Bayden rejasi Gʻazodan Isroil qoʻshinlarini toʻliq olib chiqib ketish, HAMAS garovga olgan asirlar hamda Isroil qamoqqa olgan falastinliklarning bir qismini ozod etish, shuningdek, Gʻazoni qayta tiklash jarayonini oʻz ichiga oladi.

Birlashgan Millatlar Tashkiloti Xavfsizlik Kengashi AQSh tomonidan ilgari surilgan Gʻazo sektorida oʻt ochishni toʻxtatish boʻyicha uch bosqichli rezolyutsiyani qabul qildi.

Hujjat matnini ovoz berishda 14 nafar ishtirokchi qoʻllab-quvvatladi. Rossiya ovoz berishda ishtirok etishdan betaraf qoldi.

AQSh prezidenti Jo Bayden 31 may kuni Gʻazoda sulh taklifini eʻʻlon qilgan edi.

Bayden rejasining birinchi bosqichida Isroil qoʻshinlarining Gʻazodan toʻliq olib chiqilishi, HAMAS tomonidan garovga olinganlarning bir qismi ozod etilishi, baʻʻzi falastinlik mahbuslarning qamoqxonalardan ozod etilishi, 600 ta yuk mashinasining gumanitar yuklar oʻtishi koʻzda tutilgan. Gʻazoga har kuni yordam koʻrsatish va gʻazoliklarning oʻz uylariga xavfsiz qaytishi, shuningdek, Isroil va HAMAS oʻrtasidagi muzokara jarayoni.

Ikkinchi bosqich qolgan barcha mahbuslarni ozod qilishni taklif qiladi.

Uchinchi bosqichda Gʻazoni qayta tiklash ustuvor vazifaga aylanadi va oʻlgan mahbuslarning jasadlarini oʻzaro almashish ham koʻzda tutilgan.

Qarorda ikki davlat qarori, shuningdek, Gʻazo sektori va Gʻarbiy Sohilni Falastin maʻʻmuriyati ostida birlashtirish muhimligi taʻʻkidlangan.

Falastinning HAMAS harakati Gʻazo sektorida oʻt ochishni toʻxtatish boʻyicha BMT rezolyutsiyasini olqishladi.