JAR Isroilni genotsidda ayblab xalqaro sudga murojaat qildi
JAR Isroil BMTning 1948 yilgi Genotsidning oldini olish va jazolash toʻgʻrisidagi konventsiyasini buzganlikda ayblamoqda.
Janubiy
Afrika Respublikasi Isroil 7 oktyabrdan beri Gʻazo sektorida sodir etgan qilmishlari
bilan BMTning 1948 yilgi Genotsidning oldini olish va jazolash toʻgʻrisidagi
konventsiyasini buzganligi sababli BMT Xalqaro sudiga murojaat qildi.
Xalqaro sud
yozma bayonotida JARning Isroilning Gʻazo sektoridagi falastinliklar bilan bogʻliq
Genotsid konventsiyasi doirasidagi majburiyatlarini buzganiga asoslanib ariza
berganini bildirdi.
Bayonotda
aytilishicha, JAR Isroil "2023 yil 7 oktyabrdan beri genotsidning oldini
ololmagani hamda genotsidga toʻgʻridan-toʻgʻri va ochiq-oydin daʻʻvatni taʻʻqib etmagani"
sababli unga qarshi sud taqiqi qoʻyilishini talab qilmoqda.
Bayonotda
aytilishicha, “Isroilning harakatlari va harakatsizligi genotsid hisoblanadi,
chunki ular genotsid uni amalga oshirish boʻyicha aniq maqsadlar bilan sodir etilgan”.
Qayd etilishicha, amalga oshirilgan harakatlar “Gʻazodagi falastinliklarni yoʻq
qilishga” qaratilgan.
“Isroil
hukumati hukumat amaldorlari va boshqa shaxslar hamda tuzilmalar orqali hukumat
amaldorlari va boshqalarning koʻrsatmasi, topshirigʻi, nazorati yoki taʻʻsiri bilan
Gʻazodagi falastinliklarga qarshi harakatlari bilan Genotsid konventsiyasi boʻyicha oʻz
majburiyatlarini buzmoqda”, - deyiladi bayonotda.
JAR Genotsid
konventsiyasining 9-moddasiga asoslanadi
Genotsid
toʻgʻrisidagi konventsiyaning 9-moddasiga muvofiq, Konventsiya moddalari davlat
tomonidan buzilgan taqdirda, Konventsiyaning har qanday ishtirokchi-davlati xalqaro
sudga buzgʻunchi davlatga qarshi daʻʻvo bilan murojaat qilishi mumkin.
Agar oʻta
zarurat tugʻilsa, Xalqaro sud jarayon tugagunga qadar huquqbuzarliklarni toʻxtatish
toʻgʻrisida vaqtinchalik koʻrsatma berishi mumkin.
Avvalroq,
2019 yilning 11 noyabrʻ kuni Gambiya davlati Islom hamkorlik tashkiloti nomidan
Rohinja musulmonlari genotsidini tekshirish uchun Xalqaro sudga murojaat qilgan
edi.
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Turkiya ijtimoiy tarmoqlarda isroil askarlari turk issiq ichki kiyimlarini qabul qilib olayotgani aks etgan videoyozuv boʻyicha munosabat bildirdi. Taʻʻkidlanishicha, videodagi kiyimlar eski partiyadan.
