Bangladeshda armiya sud tizimini 60 kunga oʻz qoʻliga oladi
Bangladesh muvaqqat hukumati armiya zobitlariga keyingi 60 kun davomida butun mamlakat boʻylab maxsus sud qilish huquqini (yurisdiktsiya) berish toʻgʻrisida qaror qabul qildi.
Bu haqda Davlat boshqaruvi vazirligi memorandumida maʻʻlum qilingan. Hujjatda malakali armiya zobitlari
mamlakatning turli viloyatlarida sudʻyalar nazorati ostida ijro sudʻyalik
vazifalarini bajarishi belgilangan.
Bangladesh armiyasining jamoatchilik bilan aloqalar boʻlimi
direktori podpolkovnik Sami al-Daula Choudrining aytishicha, bu vakolatlar armiyaga
politsiya tuzilmasi hali oʻz vazifalarini toʻliq bajarmayotgani, shuningdek, sporadik (ahyon-ahyonda) sodir
boʻlayotgangan qoʻporuvchilik harakatlari munosabati
bilan berilgan.
Eʻʻtiborlisi, armiya joriy yilning 19 iyulidan buyon huquqni
muhofaza qiluvchi organ sifatida xizmat qilmoqda va Bangladesh koʻchalarida uning
roli mamnuniyat bilan kutib olindi.
Eslatib oʻtamiz, iyulʻ oyida mustaqillik urushi qatnashchilari
oilalariga davlat xizmatiga ishga kirishda 30 foizlik kvota ajratish haqidagi
hukumat qaroridan soʻng mamlakatda keng koʻlamli norozilik namoyishlari boshlanib
ketdi. Namoyishlar 15 yildan beri hukmronlik qilgan va oxirgi marta shu yilning
yanvarʻ oyida toʻrtinchi muddatga qayta saylangan Hasinani hokimiyatdan
agʻdarilishiga olib keldi.
Ommaviy namoyishlar boshlanganidan beri 280 dan ortiq odam
halok boʻldi. Yuzlab odamlarning oʻlimiga sabab boʻlgan tartibsizliklardan soʻng,
mamlakat Oliy sudi ish oʻrinlari kvotalarini bekor qildi.
Mavzuga aloqador
-
Bangladeshda hukumatning ishga joylashish kvotasiga qarshi namoyishlar tartibsizliklarga aylanib, 28 kishining hayotiga zomin boʻldi. Namoyishchilar davlat televideniesi idorasiga bostirib kirgan, binoning avtoturargohi va foyesida yongʻin boshlagan. Mamlakatdagi barcha masjidlarda tartibsizliklarda halok boʻlganlar uchun gʻoyibona janoza namozi oʻqilmoqda.
-
Yaqin paytlargacha kuchli rivojlanayotgan Osiyoning kuchli davlatlaridan biri – Bangladeshdagi talatoʻplar bunga misol boʻla oladi. Bangladesh Bosh vaziri, mamlakat asoschisi va “millat otasi” Mujibur Rahmonning qizi Shayx Hasina Vazed talabalar boshchiligida bir necha hafta davom etgan norozilik namoyishlari halokatli va umummilliy tartibsizliklarga aylanib ketganidan soʻng isteʻʻfoga chiqib, mamlakatni tark etdi. Xabarlarga koʻra 76 yoshli bu ayol siyosatchi vertolyotda Hindistonga qochib ketdi va Buyuk Britaniyadan siyosiy boshpana soʻradi.
