Bangladeshda talabalar namoyishlari qurbonlari soni ortmoqda
Bangladeshda hukumatning ishga joylashish kvotasiga qarshi namoyishlar tartibsizliklarga aylanib, 28 kishining hayotiga zomin boʻldi. Namoyishchilar davlat televideniesi idorasiga bostirib kirgan, binoning avtoturargohi va foyesida yongʻin boshlagan. Mamlakatdagi barcha masjidlarda tartibsizliklarda halok boʻlganlar uchun gʻoyibona janoza namozi oʻqilmoqda.
Bangladeshda hukumatning ishga joylashish kvotasiga qarshi
namoyishlar tartibsizliklarga aylanib, 28 kishining hayotiga zomin boʻldi, deya
xabar bermoqda Al-Sharq al-Awsat.
Payshanba kuni politsiya bilan toʻqnashuvlarda 22 kishi halok
boʻlganidan soʻng mamlakatda internet va mobil aloqa butunlay oʻchirildi.
Namoyishchilar davlat televideniesi idorasiga bostirib kirgan, binoning avtoturargohi
va foyesida yongʻin boshlagan.
“Men qochishga muvaffaq boʻldim, biroq bir nechta hamkasblarim
ichkarida qolib ketishdi. Hujumchilar binoga kirib, mebellarni yoqib yuborishgan”, —
dedi xodimlardan biri.
Mamlakatdagi
barcha masjidlarda tartibsizliklarda halok boʻlganlar uchun janoza namozi
oʻqilmoqda.
Mamlakat rahbari Shayx Xasina muxolifatdagi Bangladesh
millatchilar partiyasini vaziyatni beqarorlashtirganlikda aybladi. huquq-tartibot
idoralari partiyaning talabalar qanoti faollarini hibsga olishni boshladi.
Mavzuga aloqador
-
BMT xalqaro hamjamiyatdan 7 yil muqaddam Myanʻmadan qochib kelgan 1 millionga yaqin rohinja musulmonlari va ularni qabul qilgan Bangladesh hukumatiga yordam berish uchun 852,4 mln dollar ajratishni soʻradi.
-
Bangladesh Oliy sudi yakshanba kuni mamlakat boʻylab talabalar noroziligiga sabab boʻlgan mustaqillik uchun kurashganlarning farzandlarini davlat ishiga olish boʻyicha 30 foizlik kvotani bekor qildi. Oxirgi kunlarda roʻy bergan ommaviy tartibsizliklar natijasida kamida 114 kishi halok boʻldi.
