AQSh yordamida Eronga qarshi ishni tugatamiz – Netanьyaxu

Bosqinchi davlatlar – isroil va AQSh Eronning yadroviy intilishlari va Yaqin Sharqdagi “agressiv harakatlari”ga qarshi turmoqchi. Bu haqda isroil bosh vaziri Binьyamin Netanьyaxu AQSh Davlat kotibi Marko Rubio bilan uchrashuvidan soʻng aytib oʻtdi.

Gap shundaki, Rubio lavozimiga kirishganidan beri ilk bor isroilga tashrif buyurdi. Netanьyaxuning aytishicha, u bilan bir qator masalalarni muhokama qilgan, “ularning hech biri Erondan muhimroq boʻlmagan”.

"Biz oyatullohlarda yadro quroli boʻlmasligi kerakligi haqida yakdil qarorga keldik", degan isroil bosh vaziri.

Rubio esa Eron mintaqadagi “har bir terrorchi guruh ortida” turganini, “bu hududni oʻz uyi deb biladigan millionlab odamlar uchun tinchlik va barqarorlikka tahdid solishi”ni taъkidlagan. Shu bilan birga, Netanьyaxuning “prezident Tramp boshchiligida“ Eronga qarshi “ishni yakunlashiga” ishonch bildirgan.