AQSh Turkiya va Livan kompaniyalariga sanktsiyalar kiritdi
AQSh Turkiya va Livandagi 3ta kompaniya va 1 jismoniy shaxsga nisbatan Islom inqilobi korpusi qoʻriqchilari va Hizbullohni moliyaviy qoʻllab‑quvvatlagani uchun sanktsiya kiritdi. Ular Eron xomashyosini jahon bozorida xarid qilish, tashish va sotishda ayblangan.
AQSh Gʻaznachiligi Livan va Turkiyadagi 3 ta yuridik shaxs va 1
jismoniy shaxsga IRGS va Hizbulloh moliyaviy tarmogʻiga muhim moliyaviy yordam
koʻrsatgani uchun sanktsiyalar kiritdi. Bu haqda Yeni Safak nashri xabar bermoqda.
Eron xomashyosini jahon bozorida xarid qilish, tashish va sotishda
ayblangan Turkiyada joylashgan Mira Ihracat Ithalat Petrol kompaniyasi, shuningdek, uning bosh direktori va egasi Ibrohim
Agaogʻlu taxallusi bilan tanilgan Ibrohim Talal al-Uvayrga nisbatan sanktsiya kiritilgan.
Bundan tashqari, sanktsiyalar Livanning ikkita kompaniyasi:
Hizbulloh bilan aloqador boʻlgan va Eron tovarlarini Suriyaga katta miqdorda sotilishiga yordam bergan Yara
Offshore SAL hamda
millionlab dollarlik Eron tovarlarining Suriyaga etkazib berilishida ishtirok
etgan Hydro Company kompaniyasiga joriy etildi.
Yuqorida tilga olingan shaxslarga nisbatan sanktsiyalar ularning
AQShdagi mol‑mulk va
bank hisoblariga kirishni toʻsib qoʻyadi hamda cheklovlarga duchor boʻlgan shaxslar va
kompaniyalarga amerikaliklar bilan biznes yuritishga ruxsat bermaydi.
.png)
Mavzuga aloqador
-
Turkiya ijtimoiy tarmoqlarda isroil askarlari turk issiq ichki kiyimlarini qabul qilib olayotgani aks etgan videoyozuv boʻyicha munosabat bildirdi. Taʻʻkidlanishicha, videodagi kiyimlar eski partiyadan.
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
