AQSh Qizil dengizda xusiylar hujumlariga qarshi 10 davlatdan iborat koalitsiya tuzmoqchi
AQSh mudofaa vaziri Lloyd Ostin koalitsiya tarkibiga Bahrayn, Kanada, Frantsiya, Italiya, Buyuk Britaniya va boshqa davlatlar kirishini bildirdi.
Yamandagi xusiylar tomonidan Qizil dengizda Isroilga aloqador
kemalarga hujumlar uyushtirilishi natijasida AQSh ushbu hududda dengiz savdosini
himoya qilish maqsadida koʻp davlatli kolatsiya tashkil etilishini eʻʻlon qildi.
AQSh mudofaa
vaziri Lloyd Ostin dushanba kuni Bahrayn, Kanada, Frantsiya, Italiya, Seyshel
orollari va Britaniya oʻn davlatning "koʻp millatli xavfsizlik
tashabbusi"ga qoʻshiladigan davlatlar qatoriga kirishini aytdi.
Ostin oʻz bayonotida
"harakatlanish erkinligining asosiy printsipini qoʻllab-quvvatlashga
intilayotgan davlatlar ushbu nodavlat aktyor tomonidan qoʻyilgan muammoni hal qilish
uchun birlashishi kerak"ligini taʻʻkidlab, hujumlarni "jamoaviy harakatni
talab qiladigan" muammo deb atadi.
Xusiylar
hujumlaridan soʻng eng kamida 12 ta kema kompaniyasi, jumladan, Italiya-Shveytsariyaning
Mediterranean Shipping Company giganti, Frantsiyaning CMA CGM va Daniyaning AP Moller-Maersk kompaniyalari xavfsizlik
nuqtai nazaridan Qizil dengiz orqali safarlarini toʻxtatdi. Britaniyaning BP
neftʻ kompaniyasi ham dushanba kuni ushbu suvlarni aylanib oʻtishini maʻʻlum qildi.
Mavzuga aloqador
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
-
Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi.
