AQSh Kongressi "Tolibon"ni moliyalashtirishga qarshi qonun qabul qildi

AQSh vakillar palatasi "Tolibon" hisobiga har qanday shaklda mablagʻ oʻtkazishni taqiqlovchi qonun loyihasini maъqulladi. 

"Terrorchilarga bir chaqa ham yoʻq" deb nomlangan ushbu qonunning maqsadi – amerikalik soliq toʻlovchilarning pullari hisobidan Afgʻoniston hukumatiga toʻgʻridan-toʻgʻri, bilvosita yoki uchinchi taraflar orqali mablagʻ berilmasligini kafolatlash.

Qonun matnidan: "Agar siz "Tolibon"ni moliyalashtirayotgan boʻlsangiz – demak, siz AQShning doʻsti emassiz", degan keskin bayonot ham oʻrin olgan.

.

Hujjatga koʻra, hatto gumanitar tashkilotlar, xalqaro NNTlar orqali ham "Tolibon"ga bevosita yordam berilishi mumkin emas. 

Bu orqali Vashington "Tolibon" bilan har qanday hamkorlik yoʻllarini rasman yopishni koʻzlayotgani aytilmoqda.