AQSh Iroqni tark etishga shoshilmayapti
Iroq va Qoʻshma Shtatlar xalqaro koalitsiya missiyasini 2025
yilning sentyabrigacha yakunlashini eʻʻlon qildi. Biroq Vashington bu "hali
qoʻshinlarni olib chiqish emas"ligini taʻʻkidladi.
AQSh boshchiligidagi koalitsiyaning Iroqdagi harbiy missiyasi 2025
yilning sentyabrigacha yakunlanadi, soʻngra ikki tomonlama xavfsizlik boʻyicha
hamkorlikka oʻtiladi.
Bu haqda juma kuni AQSh va Iroq qoʻshma bayonotida aytilgan.
Qoʻshma Shtatlar Iroqda 2500 ga yaqin va qoʻshni Suriyada 2014
yilda ikki davlatda faoliyat yuritayotgan IShID guruhiga qarshi kurash uchun tuzilgan koalitsiya tarkibida 900
ga yaqin askarga ega.
Qoʻshma bayonotda bir nechta tafsilotlar, jumladan, qancha AQSh
qoʻshini Iroqni tark etishi va qaysi bazalardan chiqishi haqida maʻʻlumot berilgan.
Juma kuni jurnalistlarga bergan brifingida AQShning yuqori
martabali mulozimi bu harakat qoʻshinlarni olib chiqish emasligini aytdi va qoʻshinlar Iroqni tark etadimi yoki
yoʻqligini aytishdan bosh tortdi.
“Men sizga shuni eslatib qoʻymoqchimanki, bu qoʻshinlarni olib
chiqish emas. Bu oʻtish davri. Bu koalitsiyaning harbiy missiyasidan AQSh va Iroq
oʻrtasidagi ikki tomonlama xavfsizlik munosabatlarini kengaytirishga oʻtish”, -
dedi Pentagon vakili.
Yanvarʻ oyida Iroq bosh vaziri Muhammad Shia al-Sudaniy Vashington bilan hamkorlik formatini oʻzgartirish
boʻyicha muzokaralarni boshlagandi.
Oʻshanda u AQShning
yordamini qadrlasa-da,
Amerika qoʻshinlari beqarorlik manbaiga
aylangani, koʻpincha nishonga aylanmoqda va
javob choralarini Iroq hukumati bilan kelishmagan amalga oshirmoqda.
Reuters agentligi
avvalroq kelishuvga koʻra, yuzlab askar mamlakatni 2025 yil sentyabrigacha,
qolganlari esa 2026 yil oxirigacha tark etishi haqida xabar bergan edi. Reja boʻyicha barcha koalitsiya
kuchlari gʻarbiy Anbar viloyatidagi Ayn al-Asad havo bazasini tark etadi va 2025
yil sentyabrigacha Bagʻdoddagi sonini
sezilarli darajada kamaytiradi.
AQSh va boshqa koalitsiya qoʻshinlari Erbilda qolishi kutilmoqda.
Boshqa davlatlar, jumladan Germaniya, Frantsiya, Ispaniya va Italiya ham koalitsiyaga
yuzlab askarlarini qoʻshmoqda.
Rasmiylar jurnalistlarga AQShning Suriyadagi missiyasi davom
etishini aytdi.
Garchi
asosiy eʻʻtibor IShIDga qarshi kurashga qaratilgandek koʻrinsa-da, AQSh
rasmiylari mamlakat
qoʻshinlarining mavjudligi Eron taʻʻsiriga qarshi strategik pozitsiya sifatida
ham xizmat qilishini tan oladi.
Mavzuga aloqador
-
AQSh oʻz bazasiga uyushtirilgan hujumga javoban Iroq va Suriyadagi Eron Inqilobiy Gvardiyasi korpusi va unga aloqador harbiylashgan guruhlarga qarashli nishonlarga havodan zarbalar berishni boshladi.
-
Iroq armiyasi Mosul viloyatida joylashgan va Kurdiston Ichki partiyasi (PKK) terror tashkilotining tayanch nuqtasiga aylangan Sinjar shahrida nazoratni toʻliq qoʻlga kiritgani, Suriya chegarasigacha boʻlgan hududni butunlay nazorat ostiga olganini maʻʻlum qildi. Hududda tinchlik va xavfsizlik oʻrnatilishi bilan 11 mingga yaqin aholi oʻz uylariga qaytgan.
