2023 yilda Frantsiyada islomofobiya holatlari soni 57 foizga oshdi
2023 yilda Frantsiyada islomofobiya holatlari soni 57 foizga oshib, 828 ta hodisa qayd etildi. Jabrlanganlarning 81,5 foizini ayollar tashkil etmoqda.
Evropada
islomofobiyaga qarshi jamoaviy tashkilotning (CCIE) yillik hisobotiga koʻra, 2023
yilda Frantsiyada islomofobiya holatlari soni 57 foizga oshib, mamlakat boʻylab 828 ta
hodisa qayd etilgan.
Jabrlanganlarning
81,5 foizini tashkil qiluvchi ayollar islomofobiyadan birinchi boʻlib aziyat chekmoqda,
deyiladi hisobotda.
Qayd etish
joizki, Frantsiyada islomofobiya soʻnggi yillarda tobora keng tarqalmoqda. Mamlakat
Evropadagi islomofobiyaning oʻziga xos «bayroqdori»ga aylandi. Bundan tashqari,
Beshinchi Respublika Evropa qitʻʻasidagi eng koʻp musulmon aholisiga ega davlat
hisoblanadi. Frantsiyada sodir boʻlayotgan ijtimoiy-madaniy va siyosiy oʻzgarishlar
islomofobiyaning rivojlanishi uchun zamin boʻlib xizmat qilmoqda.
Yuqori
ishsizlik, ijtimoiy tengsizlik va jamiyatning ayrim qatlamlari oʻrtasidagi
norozilik kabi ichki muammolar tarafkashlikni keltirib chiqarishi mumkin. Bunday
sharoitda islomofobiya koʻpincha umumiy ijtimoiy va iqtisodiy muammolarning
ifodasiga aylanadi. Sotsiologik tadqiqotlar natijalari va statistik maʻʻlumotlar
frantsuz jamiyatining turli jabhalarida islomofobiya mavjudligidan dalolat beradi.
Ish joyidagi kamsitishlar, musulmonlarning ibodat joylari va masjidlari qurilishidan
norozilik, koʻchalarda noxush holatlar koʻpaygan.
Mavzuga aloqador
-
"Matonatli Frantsiya" (LFI) muxolifat partiyasi aʻʻzosi Polʻ Vannʻe Frantsiyada roʻmolli musulmonlarga ilk bor eshiklarini ochgan Averroes litseyini davlat tomonidan qoʻllab-quvvatlash toʻxtatilganini qoraladi.
-
Frantsiya hukumati xorij diplomiga ega va chel eldan oylik oladigan imomlarning mamlakatda ishlashini taqiqladi.
