Frantsiyada musulmon litseylarini davlat tomonidan qoʻllab-quvvatlashni qisqartirish qarori «kamsitish» deb baholandi

Frantsiyadagi muxolifat mamlakatdagi musulmon talabalar taʻʻlim olayotgan etakchi taʻʻlim muassasalaridan biri boʻlgan Averroes (Ibni Rushd) litseyi bilan davlat shartnomasining bekor qilinishi “islomga qarshi” va «kamsituvchi» qaror ekanini taʻʻkidladi.

Frantsiyaning Le Figaro nashri xabariga koʻra, "Matonatli Frantsiya" (LFI) muxolifat partiyasi aʻʻzosi Polʻ Vannʻe Averroes litseyini davlat tomonidan qoʻllab-quvvatlash toʻxtatilganini qoralagan.

Vannʻe Frantsiyaning O-de-Frans viloyati gubernatori tomonidan Lilldagi litsey boʻyicha qabul qilingan qaror boshqa xususiy litseylarga nisbatan tatbiq etilmaganini taʻʻkidladi.

“Bu dahshatli ikki tomonlama standart. Agar bu litseyda tuzatish kerak boʻlgan narsa boʻlsa, uni toʻgʻrilash kerak”, - dedi u.

Avvalroq Frantsiyaning O-de-Frans viloyati gubernatori maʻʻmuriyati Averroens xususiy litseyi bilan tuzilgan hukumat shartnomasini bekor qilishga qaror qilgan edi.

Viloyat rahbariyati bu qarorni litseyda berilayotgan taʻʻlim Frantsiya Milliy taʻʻlim vazirligi oʻquv dasturining “manba va mazmun” boʻyicha kutganlariga “toʻliq javob bermasligi” bilan izohladi.

Litsey 2003 yilda oʻz faoliyatini boshlagan va roʻmol oʻrashi sababli boshqa taʻʻlim muassasalariga bora olmagan musulmonlar uchun birinchi boʻlib oʻz eshiklarini ochgan.

Yillar davomida oʻquvchilar soni ortib borayotgan litsey bilan bir qatorda 2012 yilda Averroes oʻrta maktabi ham ish boshladi. Bugungi kunda Averroes oʻrta maktabi va litseyida 800 dan ortiq oʻquvchi tahsil olmoqda. 

Mavzuga aloqador

Eng ko‘p o‘qilgan

Tavsiya qilingan

Reklama