11 sentyabrʻ voqealarining asosiy tashkilotchisi sifatida ayblangan Xolid Shayx Muhammad aybini tan olishga rozi boʻldi

11 sentyabrʻ teraktlarining asosiy tashkilotchisi sifatida ayblangan Xolid Shayx Muhammad oʻz aybini tan olishga rozi boʻldi. Muhammad va uning ikki sherigi Valid bin Attash va Mustafo Al-Havsaviy kelasi haftaning boshida oʻz ayblarini Kubadagi Guantanamo qamoqxonasida harbiy komissiyaga taqdim etishi kutilmoqda.

Mudofaa vazirligi chorshanba kuni maʻʻlum qilishicha, 2001 yil 11 sentyabrʻ kuni Al-Qoidaning Qoʻshma Shtatlarga qarshi hujumlarini uyushtirganlikda ayblangan Xolid Shayx Muhammad oʻz aybini tan olishga rozi boʻldi.

Muhammad va uning ikki sherigi – Valid bin Attash va Mustafo Al-Havsaviy kelasi haftaning boshida oʻz ayblarini Kubadagi Guantanamodagi harbiy komissiyaga taqdim etishi kutilmoqda.

Pentagon rasmiylari ayblov bitimlari shartlarini oshkor qilishdan bosh tortdi. AQShning bu shaxslar bilan kelishuvi Al-Qoida hujumi uchun jinoiy ish qoʻzgʻatilganidan 16 yil, Nʻyu-Yorkdagi Jahon savdo markazi va Pentagonga hujum sahnasi uyushtirilganidan 20 yildan ortiq vaqt oʻtib tuzilgani gʻalati.

Mazkur hujum prezident Jorj Bush maʻʻmuriyatining terrorga qarshi urush bahonasida AQShning Iroq va Afgʻoniston, shuningdek, Yaqin Sharqning boshqa hududlarida qirgʻinbarot urushlar, koʻp yillik harbiy amaliyotlarini boshlashiga sabab boʻldi.

AQShning hujumlari ikkita davlatda hukumatning agʻdarilishi, turli jamoalarning oʻzaro qonli janglarga kirishib ketishi va mamlakatlarning vayron boʻlishi, 2011 yilda Yaqin Sharqdagi avtoritar hukumatlarga qarshi xalq qoʻzgʻolonlarini ilhomlantirishda rolʻ oʻynadi.

AQSh hukumati samolyotlardan qurol sifatida foydalanish gʻoyasining manbai sifatida Muhammadni koʻrsatmoqda. Aytilishicha, u 2011 yilda AQSh qoʻshinlari oʻldirgan Al-Qoida etakchisi Usama bin Ladendan 11 sentyabrʻ voqealarini amalga oshirish uchun ruxsat olgan.

Muhammad AQSh tomonidan 2003 yilda qoʻlga olishgan. Guantanamoga kelishidan oldin Markaziy razvedka boshqarmasi hibsxonasida boʻlganida 183 marta turli qiynoqlar va majburiy soʻroqlarga duchor boʻlgan.

AQShning Guantanamo kontslageridagi tizimli qiynoqlar sud jarayonining uzoq muddatlarga choʻzilishiga sabab boʻldi.

Amnesty International USA huquq tashkiloti direktori Dafne Eviatar chorshanba kuni hujumlar uchun javobgarlik haqidagi xabarni olqishlashini aytdi. U Bayden maʻʻmuriyatini terrorizmga qarshi urush bahonasida odamlarni saqlayotgan Guantanamo qamoqxonasini yopishga chaqirdi. Bu erda koʻpchilik mahbuslar oqlangan, ammo boshqa mamlakatlarga borish uchun ruxsatini kutishmoqda.

Bundan tashqari, Eviatar "Bayden maʻʻmuriyati Qoʻshma Shtatlarda majburiy yoʻqolishlar, qiynoq va shafqatsiz muomalalar boshqa hech qachon amalga oshirilmasligini taʻʻminlash uchun barcha zarur choralarni koʻrishi kerak", dedi.

Mavzuga aloqador

Eng ko‘p o‘qilgan

Tavsiya qilingan