Ўзбекистоннинг Саудия Арабистонидаги элчиси тайинланди
Фото: Нодиржон Турғунов.
26 март куни Ўзбекистоннинг Саудия Арабистонига янги тайинланган фавқулодда ва мухтор элчиси Нодиржон Турғунов Ар-Риёдга борди, дея хабар берди Ўзбекистон ТИВ ҳузуридаги «Дунё» ахборот агентлиги.
Маълум
қилинишича, 49 ёшли дипломат Тошкент давлат шарқшунослик институтини (ҳозирда –
Тошкент давлат шарқшунослик
университети) тамомлаган. Меҳнат фаолиятини мактабда ўқитувчиликдан
бошлаган.
Хусусий тузилмаларда таржимон сифатида, шунингдек,
Ўзбекистон хорижий мамлакатлар билан дўстлик ва маданий-маърифий алоқалар
жамиятлари кенгашида фаолият
кўрсатган. 2016 йилдан бери Ташқи ишлар вазирлиги тизимида ишлаб келмоқда.
Ўтган йиллар давомида ТИВнинг Консуллик-ҳуқуқий
департаментида турли лавозимларда фаолият олиб борган. 2019−2021 йилларда
Ўзбекистоннинг Оқтов шаҳрида (Қозоғистон), 2021−2024 йилларда эса Жидда шаҳрида
(Саудия Арабистони) бош консул бўлиб ишлаган.
Нодиржон Турғунов 2018—2024 йилларда Ўзбекистоннинг Саудия
Арабистонидаги элчиси ва Ислом ҳамкорлик ташкилотидаги доимий вакили
лавозимларида ишлаган Улуғбек Мақсудов ўрнини эгаллади.
Мавзуга алоқадор
-
Қирғизистон-Тожикистон чегарасида қурол қўллаш билан боғлиқ ҳодиса содир бўлгани хабар қилинди. Қирғизистон томонининг маълум қилишича, тожик чўпонлари чегарадан 250-300 метргача ичкарига кириб кетган ва қирғиз чегарачиларининг талабларига бўйсунмай, уларга тош отган. Қирғизистон чегарачилари орасида қурбонлар йўқ. Тасдиқланмаган маълумотларга кўра, Тожикистон фуқароларидан бири оёғидан яраланган.
-
Қозоғистон президенти Қасим-Жомарт Токаев Ватиканда католикларнинг диний етакчиси - Рим папаси Франциск билан учрашди. Рим папаси Қозоғистон президентига тинчлик ва барқарорликка қўшган ҳиссаси учун миннатдорчилик билдирди, Қасим-Жомарт Токаев эса Қозоғистонда Марказий Осиёдаги энг йирик католик жамоати истиқомат қилишини айтди.
