Ўзбекистоннинг Россиядаги элчихонасида ИИВ вакили лавозими жорий этилди

Ўзбекистон фуқароларининг ҳуқуқлари ва манфаатларини ҳимоя қилиш, жиноятчиликка қарши курашиш ва Россия ҳуқуқ-тартибот органлари билан ҳамкорликни мустаҳкамлаш мақсадида Москвадаги элчихона штатида янги лавозим ташкил этилди.

Шу муносабат билан, элчихонада биринчи котиб — Ўзбекистон Ички ишлар вазирлиги (ИИВ) вакили лавозими жорий этилди. Ушбу ташаббус президент Шавкат Мирзиёевнинг 13 декабрдаги элчихоналар фаолияти самарадорлигини ошириш бўйича қарорига мувофиқ амалга оширилган.

Ички ишлар вазирлиги вакили қуйидаги вазифаларни бажаради:

Ўзбекистон ва Россия ўртасида жиноятчиликка қарши кураш ва жамоат хавфсизлигини таъминлаш соҳасида ҳамкорликни мустаҳкамлаш;

Уюшган жиноятчилик, терроризм, экстремизм, одам савдоси ва ноқонуний миграция каби муаммоларга қарши чора-тадбирларни мувофиқлаштириш;

Ўзбекистон фуқароларининг ҳуқуқ ва манфаатларини ҳимоя қилиш масалаларида консуллик фаолиятига кўмаклашиш;

Жиноятчилик ва ҳуқуқбузарликлар бўйича мурожаатларни қабул қилиш ҳамда Ўзбекистон қонунчилигига мувофиқ кўриб чиқиш.

ИИВ вакили Россия Ички ишлар вазирлиги билан яқин ҳамкорликда ишлаб, тезкор маълумот алмашинуви ва жиноятларни фош этиш бўйича ҳамкорликни ташкил этади.

Ўзбекистон ташқи ишлар вазири томонидан президент билан келишилган ҳолда амалга оширилади. Ваколатлари бўйича ИИВ вакили Ўзбекистон Ички ишлар вазирлигига ҳисобдор ҳисобланади.

Бу ташаббус Россиядаги Ўзбекистон фуқароларининг манфаатларини ҳимоя қилиш ва икки давлат ўртасидаги хавфсизлик ҳамкорлигини янада кучайтиришга хизмат қилади.