Ўзбекистон-Қирғизистон чегарасидаги «Қорасув» чегара пости 14 йилдан сўнг қайта очилди
12 сентябрь куни Андижон вилояти Қўрғонтепа туманидаги «Қорасув» чегара божхона пости тантанали равишда очилди, дея хабар бермоқда Ўзбекистон Божхона қўмитаси матбуот хизмати.
Таъкидланишича, Қўрғонтепа туманининг Қорасув шаҳрида жойлашган «Қорасув» ва Ўш вилоятининг «Корасуу» ўтказиш пункти 14 йил аввал ёпилган. Уларнинг фаолиятини қайта тиклаш икки давлат раҳбарлари ўртасидаги келишувга асосан амалга оширилган.
«Қорасув» чегара божхона пости 3 гектардан зиёд майдонга эга бўлиб, ундан кунига 12 минг нафардан зиёд фуқаролар ўтиб-қайтишлари мумкин. Пост орқали йўловчилар асосан ёпиқ иншоотлар бўйлаб ҳаракатланишади.
«Қирғизистон Республикасининг Ўш вилоятидан Жалолобод
вилоятига ўтиш учун шу вақтга қадар 120 км масофа босиб ўтилган бўлса, энди
ушбу масофа 101 километрга қисқариб, Ўзбекистон ҳудуди бўйлаб транзит тарзида
атиги 19 км ҳаракатланиш кифоя», — дейилади қўмита хабарида.
Шу куни Наманган вилоятида «Учқўрғон» назорат-ўтказиш пункти
ҳам очилади.
2010 йилнинг март ойида Қирғизистоннинг Ўш вилояти
Аравон тумани ва ЎЗбекистоннинг
Андижон вилояти Марҳамат туманини боғловчи йирик «Қорасув-Автодорожний»
ўтказиш пункти бир томонлама ёпиб қўйилганди.
Мавзуга алоқадор
-
Қозоғистонда халқ референдумида АЭС қурилиши маъқулланса, ушбу лойиҳага давлат бюджетидан 10-12 млрд доллар ажратиш режалаштирмоқда. Қозоғистон президенти Қосим-Жомарт Тўқаев 2023 йилнинг сентябрь ойида АЭС қуриш масаласини умумхалқ референдумига қўйишни таклиф қилган эди. АЭСнинг 20235 йилгача фойдаланишга топширилиши айтилмоқда.
-
Рублнинг қадрсизланиши, сиёсий воқеалар ва яқинда “Крокус” теракти туфайли Россияда ишлаётган қирғизистонликлар сони деярли икки баравар камайди. Бу ҳақда Қирғизистон Меҳнат, ижтимоий ҳимоя ва миграция вазирлиги ҳузуридаги Фуқароларни хорижда ишга жойлаштириш маркази бош мутахассиси Есенбек Эргешов маълум қилди.
