10.07.2025 12:00
49
Туркияда диний қадриятларни ҳақоратлаган Grok сунъий интеллекти блокланди
9 июль куни Туркия суди америкалик миллиардер Илон Маскнинг xAI компанияси томонидан ишлаб чиқарилган Grok сунъий интеллектини блоклаш тўғрисида қарор чиқарди.
Reuters ахборот агентлигининг ёзишича, бу мамлакатда нейрон тармоқ контентининг блокланиши билан боғлиқ биринчи ҳолат.
Бунга Grok’нинг Туркия президенти Ражаб Тоййиб Эрдўғон, Туркия Республикаси асосчиси Мустафо Камол Отатурк ва диний қадриятларни ҳақорат қилган баёнотлари сабаб бўлган.
Анқара прокурорлари президентни ҳақорат қилганлик учун жиноий жазо (тўрт йилгача озодликдан маҳрум қилиш) назарда тутилган Туркия қонунчилиги бузилганини асос қилиб, тергов бошлади.
CNN маълумотларига кўра, бот сўнгги пайтларда антисемитистик клишеларни ҳам ишлата бошлаган ва ҳатто сўровлардан бирида Адольф Гитлерни мақтаган.