Турк дунёси 34 ҳарфдан иборат муштарак турк алифбоси таклифини келишиб олди (алифбо)
9-11 сентябрь кунлари Озарбайжон пойтахти Боку шаҳрида Туркий давлатлар ташкилотига аъзо мамлакатлар вакилларидан ташкил топган Турк дунёси умумий алифбо комиссиясининг 3-йиғилиши бўлиб ўтди, дея хабар қилди Anadolu.
Бош қароргоҳи Қозоғистон пойтахти Остонада жойлашган Турк академияси ва Туркия Турк тили жамияти ҳамкорлигида ташкил этилган йиғилишда умумий алифбо соҳасида олинган маълумотлар ва комиссиянинг 2 йиллик фаолияти тажрибаларидан фойдаланган ҳолда туркий тиллар учун умумий алифбо лойиҳаси ишлаб чиқилгани эълон қилинди.
Баёнотда, олимлар томонидан 1991 йилда илк бор таклиф
қилинган лотин асосли муштарак турк алифбоси лойиҳаси ҳар томонлама кўриб
чиқилиб, комиссия аъзолари ушбу алифбо лойиҳасида ишлаб чиқилиши керак бўлган
масалалар юзасидан зарур қарорлар берганлиги таъкидланди.
"Ушбу фидокорона иш натижасида 34 та ҳарфдан иборат умумий турк алифбоси
таклифи юзасидан келишувга эришилди. Таклиф этилаётган алифбодаги ҳар бир ҳарф
туркий тилларда учрайдиган турли фонемаларни ифодалайди".
Баёнотда учрашувнинг муваффақиятли якунланиши тарихий
аҳамиятга эга эканлигига эътибор қаратилиб, “Умумий Турк алифбосининг
ривожланиши турк халқлари ўртасида ўзаро тушуниш ва ҳамкорликни ривожлантириш
билан бирга, уларнинг
тил меросини ҳам сақлаб қолиши”
таъкидланди.
Баёнотда
“барча тегишли
муассасалар таклиф қилинган умумий туркий алифбо бўйича келишувнинг амалга оширилишини фаол
қўллаб-қувватлаш”га
чорланди.
Мавзуга алоқадор
-
Қирғизистон иқтисодиёт ва савдо вазири Данияр Амангелдиев Афғонистон бош вазири ўринбосари вазифасини бажарувчи Абдул Салам Ҳанафий билан учрашди. Учрашувда Катта ва Кичик Помирдаги афғон қирғизларининг аҳволи билан боғлиқ масалалар муҳокама қилинди.
-
Тожикистон ва Қирғизистон ўртасидаги баҳсли чегаранинг яна 1,1 километрини келишиб олди. Айни пайтда икки давлат ўртасидаги умумий 972 километрлик чегаранинг 889,45 километри ёки қарийб 90 фоизи аниқ белгиланган ва чегара чизиғи тортилган. Қолган қисмлари баҳсли ҳисобланади. Яъни, ҳар икки томон ҳам ўзини деб ҳисоблайдиган ҳудудлар ҳамон мавжуд.
