21.12.2024 10:34
Татаристон пойтахтига дронлар ҳужуми уюштирилди
21 декабрь эрталаб Қозонда саккизта дрон ҳужуми қайд этилди, шулардан олтитаси турар-жой биноларига урилган.
"Лазурные небеса" мажмуасидаги 37 қаватли бинога икки дрон, Манхеттен мажмуасидаги 23 қаватли бинога яна икки дрон ҳужум қилган.
Бошқа ҳужумлар Клара Цеткин кўчасидаги тўрт қаватли бино ва "Юкозинская", "Хади Такташ" ҳамда "Красная Позиция" кўчаларидаги уйларга бўлган.
Бир дрон саноат корхонасига, яна бири дарё узра кўринган.
Қурбонлар йўқ, аммо уч киши шиша синиғидан енгил жароҳат олган.
Қозон ва Ижевск аэропортлари фаолияти вақтинча тўхтатилди.
Қозонда айрим мактаблар эвакуация қилинган.