Танзила Норбоева курсисини узоқ вақт бўшатмаётганларни танқид қилди

Қайд этилишича, кеча, 20 июнь куни Коррупцияга қарши кураш миллий кенгашининг йиғилиши ўтказилган. Унда қуйидаги маълумотлар айтилган. 

Сирдарё вилоятидаги мактабгача таълим муассасаларида 55 нафар ходим 5 йилдан ортиқ, 23 нафар ходим 10 йилдан ортиқ, 11 нафар ходим 20 йилдан ортиқ муддат давомида айнан бир муассасада раҳбар сифатида фаолият олиб бормоқда.

Шунингдек, мактаблар ва мактабдан ташқари таълим муассасаларида 67 нафар ходим 5 йилдан ортиқ, 64 нафар ходим 10 йилдан ортиқ, 29 нафар ходим 20 йилдан ортиқ муддат давомида айнан бир муассасада раҳбар сифатида фаолият юритяпти.

Шубҳасиз, бу каби ҳолатлар мамлакат тараққиёти ва ривожланишига салбий таъсир қилади.