28.08.2025 07:05
43
Шавкат Мирзиёев 523 кишини афв қилди
Президент Шавкат Мирзиёев Ўзбекистон мустақиллигининг 34 йиллиги арафасида жазони ўтаётган, қилмишига чин кўнгилдан пушаймон бўлган бир гуруҳ шахсларни афв этиш тўғрисидаги фармонни имзолади.
Ҳужжат билан 523 нафар маҳкум афв этилган. Улардан:
195 нафар шахс жазодан бутунлай озод этилан;
147 нафари – шартли-эрта;
87 нафарининг жазоси енгилроғига алмаштирилган;
94 нафарининг қамоқ муддати қисқартирилган.
Авф этилганлар орасида:
45 нафар аёл;
60 ёшдан ошган 31 киши;
30 ёшгача бўлган 220 киши, шу жумладан, битта вояга етмаган шахс;
8 нафар чет эл фуқароси, хусусан, Тожикистондан 6 нафар ва Сьерра Леонедан 1 нафар шахс;
15 нафар илгари тақиқланган ташкилотлар фаолиятида иштирок этган шахс ҳисобланади.
Барча озодликдан маҳрум этилганлар профилактика ва синов дафтарига жойлаштирилади. Уларга бир марталик моддий ёрдам, зарур ҳолларда – тиббий кўрикдан ўтиш ва даволаниш, ишга жойлашиш, кредит ва субсидиялар олиш, шунингдек, фуқаролик ҳужжатларини расмийлаштиришда кўмак кўрсатилади.